Аҧсны аҳҭны -қалақь Аҟәа 2500 шықәса ахыҵра арыцхә инамаданы, иааиуа аҧсшьарамшқәа рзы еиҿкаахоит аныҳәатә усмҩаҧгатәқәа.

07.07.2016
794

Аҧсны  аҳҭны -қалақь Аҟәа 2500 шықәса ахыҵра арыцхә инамаданы, иааиуа аҧсшьарамшқәа рзы  еиҿкаахоит аныҳәатә усмҩаҧгатәқәа.  Аҟәа ақалақь ахадара  ишьақәнарҕәҕәеит аплан, аҳҭны-қалақь ауааҧсыреи, асасцәеи ирзыҧшуп  аныҳәатә программа.

Диоскуриа, Себастополис, Сухум - Кале –ари ақалақь акырынтә ахьӡқәа шаҧсаххьоугьы, иара шыҟац иаанхоит.  Ақалақь амҩа ҭшәақәа, уахьыҟазаалакгьы амшынахь укылыргоит, есаамҭа амра шәахәақәа ацәқәырҧақәа иахьрылахәмаруа.   Аҧсны агәеисырҭа  Аҟәа шьҭоуп амшын аҧшаҳәаҿы, ганкахьала иара рыхьчоит ашьхақәа, даҽа ганкахьала Амшын Еиқәа. Архитектуратә баҟақәа еиуеиҧшым аҭоурыхтә аамҭақәа ирхаану еиҭарҳәар рылшо рацәоуп , иара ажәытә нхацәа реиҧш.

Адунеи аҿы ажәытә қалақьқәа ируаку  Аҟәа ҩнызқьи хәышә шықәса ахыҵуеит. Иаҳҭны-қалақьны иара ҟалеит ааигәа, зқьи аашәи ҩынҩажәи ааба шықәса рзы. Аҟәа иахҭнагахьоу рацәоуп, уи зегьы шәахсҭак аҳасабала аҳҭны-қалақь ианубаалоит, уи атәы еиҭаҳәахоит аҳҭны-қалақь ахадара акультуратә ҟәша еиҿнакааз атеатралтә қәыргыламҭаҿы. Ииуль жәба рзы ашьапылампыл асырҭатә дәы “Динамо” аҿы Аҟәа ақалақьуааи  асасцәеи ирзыҧшуп аныҳәатә усмҩаҧгатә.

Иара уи адагьы,  ақалақь аҿы еиҿкаахоит аусхқәа жәпакы, аспорттәи акультуратәи ҟазшьа змоу. Амшын аҧшаҳәаҿы аҟазаратә школқәа рҵаҩцәа ахәаҧшцәа ирыдыргалоит русумҭақәа, уаҟа иқәгылоит  ахәыҷтәы ашәаҳәаратә инструменталтә ансамбль «Каданс». Ихацыркхоит атурнирқәа ашахматтә, амҵәышәымпылтә, атенис  маҷ асразы уҳәа. Аҟәа ҩнызқьи хәышә шықәса ахыҵра  иазкны аусмҩаҧгатәқәа еиҿкаахоит  ҩымш , ииуль жәбеи , жәабеи рзы.

Альбина Жьиҧҳа, Ҭемыр Гогохьиа,АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php