Аныҳəатə хəылҧазы Очамчыра араион ашколқəа раушьҭымҭацəа рзы.

07.07.2016
934

Сынтәа Очамчыра араион аҿы зҵара хзыркушаз 172 - ҩык аушьҭымҭацәа рзы араион ахадареи аҵара аҟәшеи рымчала еиҿкаан аныҳәатә хәылҧазы. Амш аҩбатәи азыбжазы Радион Ҵәыџьба ихьӡ зху ақалақь Акультуратә хан аҿы еизо иалагеит ааигәа азеиҧштә ҵараиурҭақәа рҿы зҵара хзыркушаз аушьҭымҭацәа. Араион анапхгареи, аҵара аҟәшеи рымчала аныҳәатә концерт шеиҿкаахо дара заа адырра рырҭахьан.

Иазгәаҭатәуп, сынтәатәи аушьҭымҭацәа рыбжьара ишмаҷҩым иреиҳау аҵараиурҭақәа ирҭалахьоу. Урҭ рахьтә жәаха – ҩык қәҿиарала аҧышәарақа ҭины аҵарақәа ирҭалеит Урыстәыла. Сынтәатәи аҵарашықәс иалагӡаны, Очамчыратәи аҵаҩцәа аихьӡарақәа маҷымкəа иаадырҧшит араионтәи ареспубликатәи аолимпиадақәа рҿы. Изныкымкəа аҧхьахәқәагьы ааныркылеит. Ақалақь Акультуратә хан аҿы аушьҭымҭацәа рзы еиҿкааз аныҳәатә программа дара гәахәарыла ирыдыркылеит. Аҭыҧантәи аколлективқәа инарыгӡоз ашәақәеи акәашарақәеи рнаҩс, иҭәыз азал аҿы анапеинҟьабжьқәа акраамҭа еихсыҕьуамызт. Ирҳәоит, дарбанызаалк иҧсҭазаараҿы ашколтә аамҭа аҭыҧ ҷыда ааннакылоит ҳәа. Раҧхьатәи арҵаҩцәа, аҩызцәа, ахаан ауаҩы ихамышҭуа ашколтә ҧсҭазаара ааныжьра аушьҭымҭацәагьы маҷк ирцәыуадаҩын.

Араион аҵара аҟәша аиҳабы Феликс Џьынџьиа иҳәеит, аҵыхәтәантәи аамҭазы ашколқәа рҿы аҵара апроцесс аҩаӡара акыр ишышьҭыҵыз. Аушьҭымҭацәа ирзеиҿкааз аконцерт ахыркəшара ашьҭахьгьы аиҧырҵара рҭахымызт. Аныҳәа иацҵан Акультуратә хан аҿаҧхьа. Абасала, жәеиза шықәса аҵара дзырҵоз арҵаҩцәеи, аҵара зцырҵоз рҩызцәеи ааныжьны аушьҭымҭацәа анылеит аҧсҭазаара ду амҩа. Ирзеиҕьаҳшьап урҭ аманшәалара.

 А. Корсаиа, А. Маланиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК