Аибашьҩы Алдександр Воински аҕба ихьӡ ахҵоуп.

08.07.2016
650

Аҧсны жәлар   рџьынџьтәылатә  еибашьра  аан  игаз  аиааира   ахәҭа   ҕәҕәа   алоуп   арра-  мшынтә  флот. Иааинырсланы,  аибашьра    раҧхьатәи  амшқәа  рзы   еиҿкааз    ари    архәҭа  акомандаҟаҵаҩцәа    дыруаӡәкын   актәи  аранг  змаз   акаҧдан  Александр Воински.

Гәдоуҭатәи    абаҕәаза    маҷ   аҟны   ауп  1992  шықәсазы   арратә    флот    аиҿкаара   напы   ахьаркыз. Усҟан    ахархәара   рызун  зынӡа    аибашьра  иазкымыз  акатерқәа,  анышьқәа   абаржақәа.   Ари  афлот    аруаа  рылахəын    ҳаибашьцәа   имҩаҧыргоз  ажәыларақәа  зегьы. Урҭ  амшын  аҟынтә    аҕа  ааха   ирҭон,   Ирацәаҩын  хатәгәаҧхарала   Урыстәылантәи  иааны    еибашьуазгьы . Убарҭ   дыруаӡәкын   АҞәа ииз  аха  кыр  шықәса   инеиҧынкыланы   Урыстәыла   инхоз  Александр   Воински. Уи    ахәҳахәҭратә   ҕба    ду    акаҧданс    даман, ишырҳәо  еиҧш,    дҭәы дыҧха  дыҟан,  аха   аибашьра     ианалага   иусура    кажьны    Гәдоуҭаҟа   дааит,   дагьахагылеит    Гәдоуҭа  еиҿкааз    адивизион.  

Арратә  флот  аветеранцәа  есышма    акомандаҟаҵаҩ   ргәалашәараҿы дыҟазаауеит.  Убас иара  ицеибашьуаз  Сулҭан Гыцба  ибзоурала  еиҭашьақәыргылаз    аҕба  ихьӡ  ахырҵеит Александлр Воински.

  Раҧхьаӡа  ари архәҭа  ахьеиҿыркааз  Гәдоуҭатәи  абаҕәаза аҟны еиқәшәеит Аҧсны араионқәа зегьы рахьтә иааз  аибашьра аветеранцәа. Урҭ дыргәаладыршәарц рҩыза  акомандаҟаҵаҩ Александр Воински, иргәаладыршәарц рҩызцәа иахьа ирылагылам. Араҟа иҟан акаҧдан иҧа  Александр   Воински, уи иҧшәма  ҧҳәыс  Елена  Воинскаиа.

Афырхацәа ҧсӡом,  урҭ ыҟазаауеит  агәалашәара  ыҟанаҵ. Уи азы  иршаҳаҭгоуп   Александр Воински  аҕба ихьӡ ахҵара.

Е.  Арџьениа, А. Џьениа.АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Апрель 2018
67
17 Апрель 2018
95
16 Апрель 2018
127
13 Апрель 2018
102
12 Апрель 2018
166
11 Апрель 2018
168
10 Апрель 2018
175
Загрузка плеера
Алаҳәарақәеи адныҳәаларақәеи
АГТРК