Есышықәса иуль ааба рзы Урыстәыла иазгәарҭоит Аҭаацәара амш.

08.07.2016
724

Есышықәса иуль ааба рзы Урыстәыла иазгәарҭоит Аҭаацәара амш.  Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.  Ҳтәылаҿы иҟоу Урыстәыла ацҳаражәҳәаҩ Семион Григориев  ҧшь-ҭаацәарак рнапаҟны идиркит аҳамҭа, амедаль «За любовь и верность» ҳәа хьӡыс измоу.

Аҭаацәара  - ари дунеи хәыҷык алахҿыхреи абзиабареи, зны зынла ауадаҩреи зцу акоуп. Ауаҩы ихәыҷра аамҭазгьы ихәмарра иалоуп аҭаацәа, нас даныҩеидаслак иаҧиҵоит ихатәы, иара даҧшәыманы дахьыҟало.
Шьалуеи Раисеи Гыцаа ҩынҩажәи жәохә шықәса ҵуеит иаҧырҵаз аҭаацәара еиқәырханы еицынхоижьҭеи. Дара еибадырит ашколаҿ, класск аҿы еицтәан, анаҩс аҧсҭазаара еиҟәнагеит, аха рыбзиабара еиҭа еиднакылеит. Шьалуа Ҷыф иҧа мап икуеит уи атемала ацәажәара, аҧсуаа ҳмилаҭтә  ҟазшьа уи азин ҳнаҭом ҳәа. Раиса Гыцҧҳа лакәзар, дазааҳгеит. Лара иаҳзеиҭалҳәеит рынасыҧ шеиларҵаз.

Ари аҭаацәараҿы ирааӡеит хҩык аҭыҧҳацәа, ргəы дууп фҩык рмаҭацәа рыла. Ҳшьақәгылеит ҳәа исыҧхьаӡоит, азгәалҭоит Раиса.

Шьалуа Гыцба иҳәоит, бзиа ишыимбо ақәра иаҵанакуа арыцхәқәа разгәаҭара, уи азы иара ихатә гәаанагара имоуп.

Ҳәарада, ари аҭаацәара еиқәшәа аҿгьы иҟан ауадаҩрақәа, аха хаҵеи ҧҳәыси ирыҧшаауан урҭ ириааиуаз амҩақәа. Ҩыџьа бзиа еибабаны еиларҵаз рыҧсҭазаара аиқәырхара амаӡақәа мариоуп,  рҳәоит дара
Ҩнызқьи ааба шықәса рзы Урыстәыла иаҧҵан “Любовь и Верность» ҳәа хьӡыс измоу амедал, уи ранаршьоит акыр шықәса зхәышҭаара аиқәырхара зылшаз аҭаацәа. Ҩнызқьи жәа шықәса раахыс Аҧсны иҟоу Урыстәыла ацҳәаражәҳәарҭа иалнакаауеит аҧсуа ҭаацәарақәагьы. Сынтәа урҭ рхыҧхьаӡараҿы иҟалеит ҧшьҭаацәарак - Шьалуеи Раисеи Гыцаа, Руслани Нелли Ҭаркьылаа, Владимири Ферузеи Қапаа, Леонид Лободеи Лиана Смыри  рҭаацәарақәа. Аҧсны иҟоу Урыстәыла ацҳәааржәҳәаҩ Семион Григориев дара рнапаҟны идиркит аҳамҭақәеи амедалқәеи. Урҭ дрыдныҳәало иазгәаиҭеит, арҭ  аҧсуа ҭаацәарақәа шҿырҧшыгоу ахәышҭаара аиқәырхараҿы.

Альбина Жьиҧҳа, Беслан Џьынџьал ,АТ  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
47
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
77
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК