Очамчыра араион аҿы амшцәгьа бааҧс иҟанаҵаз аҧхасҭа аҧырҟәҟәааразы аусурақәа мҩаҧысуеит.

12.07.2016
807

Атәыла Ахада Рауль Ҳаџьымба идҵа инақәыршәаны, мышқәак раҧхьа Очамчыра араион аҿы амшцәгьа бааҧс иҟанаҵаз аҧхасҭа аҧырҟәҟәааразы аусурақәа мҩаҧысуеит. Ҩымш ирылагӡаны уи знапы алаку аусбарҭақәа иҟарҵахьоу маҷым.

Ааигәа иҟаз амшцәгьақәа раан зҳәаақәа ирҭыҵыз аӡиасқәа Очамчыра араион ауааҧсыра ирнаҭаз аҧхасҭа макьаназы аҵыхәтәанынӡа иҭҵаам. Уажәазы араион аҟны аусурақәа мҩаҧысуеит аӡы иҵнаӡәӡәааз амҩақәеи, иарбгаз ацҳақәеи реиҭашьақәыргыларазы. Аусурақәа хыркəшоуп Аҟәеи Очамчыреи еимаздо амҩаду Кындыҕ ақыҭа аҿы иахьаӡәӡәаз. Амҩа ахықә абҕанҷ ықәҧсаны еиҟарартәхьеит. Уажәазы араҟа машьынала амҩасразы ашәарҭара ҳәа акагьы ыҟам. Аҳәынҭқарратә еилакы «Аҧсныҟәарахьчара» аусурақәа мҩаҧнагоит ақыҭақәа Џьгьардеи, Ҕәадеи еимаздо амҩаҟны.

Араҟа абҕанҷ ықәҧсаны идыриашахьеит аӡхыҵра иагаз амҩа, иара убасгьы амашьынақәа ықәсыртә еиҧш еиҭашьақәдыргылеит ибгаз ацҳақәа, анаҩс иазгәаҭатәуп урҭ акапиталтә ремонт рзура . « Аҧсныҟәарахьчара» аиҳабы Константин Ҭарба иажәақәа рыла, дара аус руеит шьыжьы инаркны алашьцара иаарымнахаанӡа, русура иеиҧзырҟьо ҳәа акагьы ыҟам. Очамчыра араион ахада Хьрыҧс Џьопуа иҳәеит , иааидкыланы аӡхыҵра иҧхасҭанатәыз ақыҭамҩақәа 260 километра ишреиҳау. Урҭ реиҭашьақәргыларазы иадыҧхьалоуп араион аҟны иҟоу атехника ҷыдагьы. Араион иқәынхо анхацәа ироуз аҧхасҭа аҭҵааразы аусурақәа мҩаҧыргоит изыхәҭоу аусбарҭақәа. Хьрыҧс Џьопуа иҳәеит, иахәҭоу ашәҟәы амчыбжь анҵәамҭазы ишеиқәыршәахо атәы.

 А. Корсаиа, А. Маланиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
26
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
34
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК