Аҧсны аказначеитә усбарҭа аусура иалагеижьҭеи жәамш иреиҳауп.

13.07.2016
714

Аҧсны  аказначеитә  усбарҭа аусура иалагеижьҭеи  жәамш иреиҳауп.  Ари   аамҭа иалагӡаны  иара  иалшахьоу,  уи  ицәырнагаз   азҵаарақәа ӡбашьас ирымоу  иазааҭгылеит  Аҧыза-  министр  Артур  Амқәаб  имҩаҧигаз  аилацәажәараҿы.

Аказначеитә  усбарҭа   аиҿкаара  азҵаара  аӡбара  иаҿын  2014 раахыс.  Ҩышықәса  рыҩныҵҟа   Урыстәылатәи  аҟазацәа  рыцхыраарала,  абиуџьеттә  ҧара   аикəршара  ахылаҧшра   азызуа   асистема шьақәыргылан  ҳреспубликаҿы.

Аҧсны   аиҳабыра  ҳаҧхьаҟа  ргәы  иҭоуп  аказначеитә  системахь   аҳәынҭқарратә  еилакқәеи, аусбарҭақәеи  риагара.

Аказначеитә система аусура апроблемақәа    цәырнагеит  аҭыҧантәи  амчрақәа  рзы,  ҳәа  азгәеиҭеит  Очамчыра  араион   ахада  Хьрыҧс  Џьопуа.

Хьрыҧс  Џьопуа иажәақәа рыла,  аҭыҧантәи  аҭахрақәа  рзы  аҧара  аныхраҿы   аказначеитә   система  анапхгаҩцәа  рнапы  ҿанаҳәеит. Убри  аҟнытә  ашәҟәқәа  рыҩраҿы   афинансқәа   рминистррахь   асистема   ҿыц   макьана   азҵаарақәа  шцәырнаго   атәы   иҳәеит   Гагра  араион ахадагьы.

Афинансқәа  рминистр  Амра Қәаранӡиа  иазгәалҭеит ,  асистема    ҿыц   аусура  иалагаанӡа,  анапхгаҩцәа  зегьы   ргәы   рыҽшанырҵахьаз, 15- 20  мшы   ауадаҩрақәа   шцәырҵуа  азы.   Илҳәеит ,  аказначеитә  усбарҭа  аҭыҧантәи  абиуџьет   аихшара   ишаҧырхагам.  Иара шахылаҧшуа  ареспубликатә   биуџьет  аҟнытә  иоурыжьуа   аҧара.

Амра  Қәаранӡиа  иазгәалҭеит , дотациак  аҳасабала,  араионқәа  ирзоурыжьуа  аҧара   хықәкыла ишныхтәу.  Иаҳҳәап,  афымцанхамҩа  аиҭашьақәргылараз   иоужьыз    аҧара ,  џьара   акомпиутер  аахәара иахҭнырҵеит.  Асеиҧш   иҟоу   аҿырҧштәқәа  маҷӡам.  Урҭ  ралмыршара  , абиуџьеттә    ҧара  аныхшьа   ахылаҧшра  аус  арҕәҕәараҿы  иалшо  рацәоуп  аказначеитә     усбарҭа.  Аха  ҿыц   излагоу  аус  анагӡараҿы   раҧхьа  уадаҩрақәакгьы  ҟамлар  ауӡом.  Ихадоу  урҭ   рыӡбашьа амҩа  ауп

Д. Инаҧшьба, Ҭ. Гогохьиа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
7
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
9
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
12
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
10
Иара Ахада изеиҭеиҳәеит, ҳазну ашықәс ноиабр акынӡа ареспублика ишаҭааз миллионҩык рҟынӡа аҧсшьаҩцәеи атуристцәеи.
43
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
50
Иара Аҧсны амилаҭтә олимпиатә еилакы аҿы  адныҳәаларақәа идикылон
Алаҳәарақәеи адныҳәаларақәеи
АГТРК