Шьҭарнахыс, Аҟәа ақалақь ауааҧсыра аӡы еиҧҟьарада ироулоит.

13.07.2016
902

Арӡынба имҩаду аҿы иҟоу аӡымҩангагақәа ажәхьан. Аӡы амчхара ахьыҕәҕәаз иахҟьаны лассы- лассы аӡымҩангагақәа тҟәацлон.

Аҟәа ақалақь аӡыканал аиҳабы Ҭенгиз Кәыҵниа иажәақәа рыла, уажәы шьаҭанкыла зегьы аҧсахра иаҿуп. Иара убасгьы ацәаҳәаҿы иқәдыргылоит аӡы аркыгақәа, аҧхьаҟа, аӡы мҩангагақәа рҿы уадаҩрак цәырҵыр, ауааҧсыра зегьы ӡыда иаанымхарц азы апроблема ахьыҟоу аҭыҧаҿ мацара аӡы аанкылахоит .

Ҭенгиз Кәыҵниа иҳәеит, ақалақь аҩныҵҟа имҩаҧыргараны иҟоу аусурқәа шмаҷым, аха урҭ зегьы етап -етапла ишазнеиуа. Аҟәа ақалақь акоммуналтә усбарҭа аиҳабы Елена Атиопина лажәақәа рыла, ақалақь аҩныҵҟа аӡы ахьынӡаҟамыз ахәыҷбаҳчақәеи ахәышәтәырҭақәеи аӡы мҩанызго амашьынала ирызнаргон . Акоммуналтә усбарҭа аиҳабы Елена Атиопина илҳәеит, иара убас ақалақь ахадара ахатә харџьқәа рыла ишалнаршаз аӡымҩангагақәа рыҧсахра.

 Фатима Гьергьиаҧҳа , Беслан Џьынџьал, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК