Аҧсны Анаукақәа Ракадемиа иатәу аексперементалтә паталогиеи атерапиеи ринститут аҿы аҧышәарақәа ирыцҵоуп.

13.07.2016
652

Акьыбеи, аҧсариази реиҧш иҟоу  ачымазарақәа  макьаназы хәышәтәышьа змам  рҟынтәи ахәшә аҧшааразы, Аҧсны Анаукақәа Ракадемиа иатәу аексперементалтә паталогиеи атерапиеи ринститут аҿы аҧышәарақәа ирыцҵоуп. Уи азы Аҧсныҟа иааган ҧшьынҩажәи жәиҧшь макака. Аҧышәарақәа ҧықәсларада имҩаҧысуеит. «Уажәнатә иуҳәар ауеит алҵшәа биза шыҟало, аха уи еиҳа ишьақәырҕәҕәаны алацәажәаразы ахәшә агәаҭара ауаа рҿынгьы имҩаҧгатәуп,» - рҳәоит аспециалистцәа.

Арҭ амаамынқәа хазы иҭакуп,  избан акәзар,   дара ауаа рацәа рыбжьы рзычҳаӡом. Аҧхын аамҭазы амаамынааӡарҭаҿы аҧсшьаҩцәа рацәаҩуп. Убри аҟынтә,  астресс рацәыхьчаразы аҧышәарақәа ирылахәу ҧшьынҩажәи жәиҧшь маамын хазы игоу аҭыҧ рзалхуп. Урҭ аус рыдызуло аҳақьымцәа ражәақәа рыла,  дара  аҧышәарахьы инаргаанӡа, ршьа арбагақәа гәарҭоит. Згәы ҧжәаны иҟоу, мамзаргьы акы иаргәамҵуа амакака ашьарбагақәа  ииашоу аасҭа еиҭакуп. Арҭ аҧышәарақәа рҿы иарбанзаалакгьы ҽыҧсахрак ихадароу аҟазшьа амоуп.

Раҧхьатәи апартиа, ҩынҩажәа хы иавантәи амакакақәа ааган февраль мза алагамҭазы, уи анаҩс иҟан даҽа ҩынтә иааргазгьы. Аҵыхәтәантәи амаамынқәа уажәы ааигәоуп  ари ааӡарҭахь ианақәшәа. Дара ааган ииун мзазы, акарантин иахысуан мызкы, ргәы шыбзиоу, ачымазара ҳәа акгьы шрымам азы агәра анырга, рҩызцәа рахь ииаргеит . Аинститут аусзуҩцәа ражәақәа рыла, амаамынқәа ршьарахь ирласны иқәлеит. Араатәи аҳауа дара ирнаалоит. Рҟазшьагьы рыҧсаххьеит, еиҳа иҭышәынтәалахьеит.

Арҭ амакакақәа реиҳарак Виетнамынтәи иаагоуп. Дара рырҿиара акәӡам хықәкыс иҟоу. Урҭ рылахәуп Аҧсни Урыстәылеи рексперементалтә институқәа   еицымҩаҧырго аҧышәарақәа.    Урҭ мҩаҧнагоит афармацевтә еилахәыра «Биокард». Уи ахаҭарнакцәа аиҳарак Аҧсны иҟоуп, арҭ аҧышәарақәа ирылахәуп, рымҩаҧысшьа гәарҭоит. Аҭҵаарақәа  мҩаҧысуеит х-етапкны. Актәи мҩаҧган Москва, аҩбатәи ауаа рҿы ахәшә ахархәара аиуаанӡа амаамынқәа рҿы аҧышәара иахрыжьуеит. Анаҩс ауп ахәшә ҿыц ауаа  рҿы агәаҭара ианалаго. Ишдыру еиҧш, ауаҩи амаамыни еиҿартәышьала мацара акәымкәа  шьалеи, аҩныҵҟатәи апроцессқәеи рыла еиҧшуп. Аҧышәарақәа раан иззыҧшу алҵшәа хадақәа иреиуоуп ахәшәи ауаҩы ибелоки рыҽшеимардо ашьақәыргырлара. Уи азы заа игәаҭатәуп амаамынқәа ари авакцина шрыдыркыло.

Иаков Устиугов иажәақәа рыла, аҧышәарақәа аҩбатәи ретап ара ихыцыркын уи араҟа иагьхырқәшахоит. Иҳәеит,  ари аҩыза аҩаӡара ҳаракы змоу  аексперементқәа  Урыстәылеи Америкеи заҵәык шракәу имҩаҧызго.Иазгәаҭатәуп, аексперементалтә паталогиеи атерапиеи ринститут еиуеиҧшым аамҭақәа рзы имҩаҧнагахьоу аҭҵаарақәа ирыбзоураны, амедицинаҿы ишыҟаҵаз аартра ҿыцқәа. Аинститут аиҳабы  Зураб Амқәаб  иажәақәа рыла, ирацәоуп ирыдыргалахьоу , аха априматқәа рхыҧхьаӡара ахьмаҷу иахҟьаны мап рцәыркхьеит, афеида злоу ажәалагалақәа жәпакы.

Иахьазы ари ааӡарҭаҿы иҟоуп хәышә-маамын иреиҳаны  Урҭ реиҳарак аибашьра ашьҭахь араҟа ииз роуп. Иааиҧмырҟьаӡакәа имҩаҧысуеит дара ргәабзиара ацклаҧшра. Амаамынқәа инарҷыданы, ари аинститут аҿы аҧышәарақәа мҩаҧыргоит акроликқәеи, аҳәынаҧқәеи рҿгьы.  
Елана Лашәриа, Саид Агәхаа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Февраль 2018
54
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
53
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
21 Февраль 2018
39
144 ш. ҵит апоет диижьҭеи, уи иадҳәаланы Аҟәа имҩаҧысит агәаларшәаратә уснагӡатәқәа.
20 Февраль 2018
105
19 Февраль 2018
129
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
Загрузка плеера
Алаҳәарақәеи адныҳәаларақәеи
АГТРК