Аҧсны аҧсшьацəа раамҭа шырхырго.

13.07.2016
846

Ииул мза - аҧхынтәи аҧсшьарамшқәа ршыкьымҭа.  Ари аамҭазоуп  абжьааҧны  еиҧшымкәа  ҳтәылаҿы  аҧсшьаҩцәа рхыҧхьаӡара анырацәоу. Ҳҭыхратә гәыҧ  еилыркаауан Аҧсныҟа иаауа ауаа раамҭа шырхырго, насгьы ҳтәыла иадзыҧхьало.

Амшын Еиқәа ауп еиҳарак ҳтәыла ауаа адзыҧхьало . Аҧшаҳәаҿоуп аҧсшьаҩцәа раамҭа аҕьырак ахьырхыргогьы. Ашьыжь, асааҭ жәаба рзы аҭыхымҭақәа анымҩаҧаҳгоз аамҭазы, Аҟәа амшын аҧшаҳәаҿы ауаа рацәан, шьоукы амра ашәахәақәа рҽаҭаны рыҧсы ршьон, даҽа шьоукых амшынаҿ рыҽдырхьшәашәон. Уи згәы ақәыҧҵәазгьы ирымоуп  рхы ззыркша, амшын аҧшаҳәаҿы ирацәоуп арлахҿыхратә ҭыҧқәа.
Аҧсныҟа еиҳарак  аҧсшьацәа аауеит Урыстәылантәи. Асовет Еидгыла иааӡаз ауаа ҳтәыла аҧхарра зцу  агәалашәара ҧхақәа  рызцәырнагоит, усҟантәи аамҭаз Аҧсны иарҳаз ахьӡ иара иахьагьы, атуристцәа аднаҧхьалоит,  аха убри аамҭазы  иазгәаҭатәуп,  урҭ ҳтәыла аҭоурых  ҿыц   шырдыруа атәы.
Изныкымкәа Аҧсныҟа иаахьоу аҧсшьаҩцәа  ирҳәоит , даҽаџьара рыҧсшьара аамҭа рхыргаргьы шырҭахым,  знык ирбаз аҧсабара аҧшӡара, амшын иаҵәа ихнахны ишамоу.

Ҳзыҿцәажәоз аҧсшьаҩцәа рҟынтә ирацәаҩуп раҧхьаӡа акәны ҳтәылахь иааз аҿаргьы, дара  ирҳәоит рықәра иашьашәаланы аамҭа рхыргартә еиҧш аҭагылазаашьа шыҟоу, ирацәоуп  ирыдыргало амаршрутқәагьы.
Ҳтәыла асасцәа еиуеиҧшым аныҟәарақәа рыдызгало Гəында хәышықәса ҵуеит ари аҭыҧаҿ аус луеижьҭеи, лара илҳәоит сынтәа егьырҭ ашықәсқәа ирҿырҧшны иугозар,  аҧсшьаҩцәа атуристтә ныҟәарақәа   уи аҟара ишрызҿлымҳам, ирыдыргало аҭыҧқәа шырацәоугьы, дара  раҕьырак Риҵа алырхуеит.

Шықәс дууӡак зыҧсшьараамҭа иазыҧшу ҳасасцәа  ҳәарада, уи бзиан ирхыргар  рҭахуп. Рыҩныҟақәа ианцо  Аҧснынтә иргарц агәалаҟазаара бзиеи  агәалашәара  лахҿыхи.

Альбина Жьиҧҳа, Беслан Чхьынџьериа ,АТ  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
49
15 Август 2018
45
Араҟа еизгаз аҧара афонд« Ашана »иахыҧхьаӡалахоит .
15 Август 2018
49
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
45
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК