Аинформациатә маҵзура “Спутник” аҿы имҩаҧган Хьыбла Гьерзмаа дызлахәыз ателецҳа.

14.07.2016
828

Имҩаҧысран иҟоу Ажәохәтәи аиубилеитә фестиваль «Хьыбла Гьерзмаа шәаалыҧхьоит…» аламҭалазы аинформациатә маҵзура “Спутник” аҿы имҩаҧган Хьыбла Гьерзмаа дызлахәыз ателецҳа. Уи аиҿкааҩцәа хықәкыс ирыман афестиваль амаӡақәа зегь ракәымзаргьы ахәҭак аартра . Уи иалахәын акультура аминистр Ельвира Арсалиа, уи лхаҭыҧуаҩ Баҭал Кобахьиа , Аурыс драматә театра аиҳабы Иракли Хынҭәба.

 Аҧсуа культура аҧсҭазаараҿы традициак иаҩызахеит ес-ҧхынра Хьыбла Гьерзмаа еиҿылкаауа афестиваль. Есааира уи аҳәаақәа рыҽдырҭбаауеит . “Хьыбла Гьерзмаа Шәаалыҧхьоит”… афестиваль рхы аладырхәуеит хыҧхьаӡара рацәала ҳтәыла ауааҧсыра уи зегьы аинтерес аманы имҩаҧысуеит. Сынтәатәи аиубилеитә фестиваль акәзар, ахәаҧшцәа ирзыҧшу рацәоуп. Иазгәаҭатәуп, абилеҭқәа уажәнатә акассақәа рҿы ишыҟам. Акультура аминистр Ельвира Арсалиа илҳәеит, ас еиҧш ателемаост аиҿкаара ахшыҩҵак афестиваль амҩаҧгара мызкы шагыз ишрызцәырҵыз атәы. “Хьыбла Гьерзмаа Шәаалыҧхьоит ажәохәтәи аиубилеитә фестиваль мҩаҧысран иҟоуп август мзазы. Диаскуриа аҧшаҳәа, Аҭоурых - культуратә ҳәырҧсарра Аҟәатәи Абааш аҿы .

Ари аиубилеитә фестиваль мҩаҧысуеит ҩымш. Актәи амшаз Хьыбла Гьерзмаа раҧхьаӡа акәны лыуаажәларр идлырбараны дыҟоуп аоператә қәыргыламҭа «Медеа» . Аҩбатәи амш азы акəзара , афестиваль аҭааҩцәа лыршанхоит опера, аџьаз, аблиуз ахырхарҭақәа рыла. Хьыбла Гьерзмаа илҳәоит лара лзы кыршаҵанакуа лыҧсадгьл аҿы ас еиҧш иҟоу аиҧыларақәа рымҩаҧгара. Илҳәоит, аиубилеитә фестиваль ахь иналгаша ақәыргыламҭақәа акыраамҭа дшазхәыцуаз, анаҩс ишалылкааз аоператә қәыргыламҭа “Медеа”. Хьыбла Гьерзмаа Аҧсныҟа даауеит афестиваль амҩаҧгара мышқәак шагыу. Араҟа лара имҩаҧылгараны дыҟоуп аҽазыҟаҵарақәа. Арежиссер Александр Титель иазгәаиҭеит, аоператә қәыргыламҭа «Медеа» Хьыбла иаразнак лыдгалара шилымшаз атәы . «Уаҟа абжьы ҕәҕәа аҭахын, сара сацәшәон уи лылымшар ҳәа, аха аамҭа иара атәы ҟанаҵоит.. Хьыбла лыбжьы шьақәгылеит, иҕәҕәоуп. Уажәы акы ҳацәымшәакәа ахәаҧшцәа ирыдаагалартә ҳаҟоуп, - ҳәа азгәеиҭеит Александр Титель.

 Хьыбла илҳәеит, аоператә қәыргыламҭа «Медеа» ахьыддырбо аҭыҧгьы машәыршақә ишалхымыз. Амшын аҧшаҳәа , ажәҩан аиҵәақәа, иара ақәыргыламҭа асиужет ишанаало. Сара сырзыгәдууп сыжәлара, сазыгәдууп сахьаҧсыуоу, Аҧсны сахьиз сахьааӡаз, лҳәоит Хьыбла. Ари афестиваль еиднакылоит еизааигәоу аиҩызцәа, уи еснагь аҧхара аҵоуп. Есышықәса еиҧш сынтәагьы, “Афестиваль Хьыбла Гьерзмаа шәаалыҧхьоит”… еизнаго аҧара уи автор агәыҳалалрахь илышьҭуеит. Ателецҳа иалахәыз зегьы ирыман алшара Хьыбла лҩызцәеи лареи азҵаарақәа рыҭара.

 Фатима Гьергьиа Роберт Ломиа АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
14 Август 2018
24
14 Август 2018
3
Урҭ ргәалашәара амш аҽны уахь инеит араион ахадара, ауаажəларра.
14 Август 2018
5
Аҳҭнықалақь аҿы урҭ алагеит асааҭ жәеиза рзы, Ахьӡ-Аҧша апарк аҿы ашәҭқәа рышьҭаҵара ала.
14 Август 2018
11
26 шықәса раҧхьа , нанҳәамза 14 рзы Қырҭтәыла архәҭақәа Аҧсны иақәлеит ампыҵахаларазы.
13 Август 2018
69
Загрузка плеера
Алаҳәарақәеи адныҳәаларақәеи
АГТРК