Аказначеитә система аусура шымҩаҧысуа атәы иалацәажәан Аҳәынҭқарра Ахада Рауль Ҳаџьымба имҩаҧигаз илацәажәараҿы.

26.07.2016
524

Аказначеитә система аусура шымҩаҧысуа атәы иалацәажәан Аҳәынҭқарра Ахада Рауль Ҳаџьымба имҩаҧигаз аилацәажәараҿы. Уи иалахәын ари асистема аус арура знапы алаку аиҳабыра рхаҭарнакцәа. Афинансқәа рминистр Амра Қәаранӡиа илҳәеит, аказначеитә система аусура иалагеижьҭеи ишымҩаҧысуа ауааҧсыра еиҧҟьарада рымаҵ ауразы аусурақәа. Убри аан аҳәынҭқарра Ахада иазгәеиҭеит  ари аилацәажәара шазку асистема ҿыц  аганахьала иҟоу ауадаҩрақәа реилкаареи, аусура раҧхьатәи аетаҧқәа шымҩаҧысуеи.

«Аказначеитә система аналагалаз аӡәырҩы уи агәынамӡара рызцәырнагеит. Ҳәарада, ари зыда ҧсыхәа ыҟам зҵаароуп. Аха, зегьы иаразнак имариахаӡом,» иҳәеит Аҳәынҭқарра Ахада аилатәара аартуа. Убри аан Рауль Ҳаџьымба иазгәеиҭеит,  аилатәарахьы ааҧхьара зыҭаз, аказначеитә система анагӡареи аҳәаақәҵареи знапы алаку аиҳабыра рхаҭарнакцәеи, аусбарҭақәа рнапхгаҩцәеи рҟынтә иаҳарц  шиҭаху аусурақәа рымҩаҧысшьа, еихьӡарақәас иҟоу, ауадаҩрақәа цәырызго азҵаарақәеи ртәы. «Ахьаҵра ҳгәы иҭаӡам, ари азҵаараҿы аусура иацҵахоит,» иҳәеит Аҧсны ахада.

Убри аан, афинансқәа рминистр  Амра Қәаранӡиа илҳәеит, уажәнатә ари асистема ала х-нызқьи фышә  иреиҳаны ашәатәқәа аус шрыдулоу. Урҭ  рахьтә ҩ-нызқь рҟынӡа ареспбуликатә биуџьет аҟынтәи, зқьи хәышә аҭыҧантәи иатәуп  . Афинансқәа рминистр лажәақәа рыла,  аказначеитә система аусура илагеижьҭеи рацәак ҵуам,  аха ари аамҭа аҩныҵҟа уи аларҵәара бзиа аиуит.

Афинансқәа рминистр илҳәеит, аресбуликатә буџьет аганахь ауадаҩрақәа шыҟамыз, аха урҭ аҭыҧ рымоуп араионқәа рҿы. Афинасқәа рминистрра аспециалистцәа аҭыҧантәи аҟәшақәа рнапхгаҩцәа рзы имҩаҧыргоит ари асистема аусура еиҳа ирласны урҭ иреилзыркаауа акурсқәа. Убри аан Ралуь Ҳаџьымба дазҵааит ,аҭагылазаашьа еиҳа иахьыуадаҩыз Гагреи Очамчыреи рраионқәа рҿы иқәгылаз азҵаарақәа ӡбоума, ҳәа.

Амра Қәаранӡиа илҳәеит, урҭ етап-етапла рҭыҧ ақәҵара ишаҿу.
Аҧара еикәаршарақәа рымҩаҧгара злымшо абанк иаҧсыхәои ҳәа Аҳәынҭқарра ахада ииҭиз азҵаара аҭак ҟаҵо, Амилаҭтә банк ахантәаҩы Беслан Бараҭелиа иазгәеиҭеит, уи иамоу ауадаҩрақәа мышкала ишцәырымҵыз.Дазааҭгылеит ас  азҵаара ақәгылара зыхҟьаз атәгьы.

Убри аан  Рауль Ҳаџьымба  адҵа ҟаиҵеит, аамҭа кьаҿк аҩныҵҟа ари абанк азҵаара аӡбара алзыршо ажәалагалақәа идыргаларц азы. Аҧсны Ахада аилатәара иалахәыз Аҳазалхратә еилакы ахантәаҩи, ашәахтәқәеи аизгәақәеи рминистри рахь ихы нарханы иҳәеит, ашықәс алагамҭаз ишьҭыхаз ахыдҵақәа зегьы иазгәаҭаз аасҭа инархыҳəҳәаны ишынагӡатәу. Рауль Ҳаџьымба дҵааит амилаҭтә банк аусураҿы аказначеитә система ауадҩрақәа цәырнагама ҳәа. Беслан Бараҭелиа иҳәеит, аҧхьа ицәырҵыз азҵаарақәа уажәы рҭыҧ ишықәҵоу, убри аҟынтә аусура ҳәаақәҵоуп ҳәа шыиҧхьаӡо.

Аҳәынҭқарра Ахада имҩаҧигаз аилацәажәараҿы ирзааҭгылан амилаҭтә банк имҩаҧнаго акартатә системахьы аиасра апроцесс шымҩаҧысуа атәгьы. Беслан Бараҭелиа иажәақәа рыла,  асистема амҽхак ессаира иҭбаахоит. Уажәнатә акарта ала аулафахәы зауа рхыҧхьаӡара жәа-нызықьҩык иреиҳахахьеит. Араионқәа зегьы рҿы  акартахь аиасразы ихымҧадатәу   амыругақәа анықәдыргылалак, ари асистема Аҧсны зегьы аларҵәара хацдыркуеит.

Елана Лашәриа, Беслан Џьынџьал, Роберт Ломиа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
125
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
96
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
101
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
75
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
88
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
135
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК