Риҵатəи амилаҭтə реликттə парк. Анҵамҭа ҷыда.

26.07.2016
617

Аҧыхнра зегьы аҧсшьаҩцәеи аныҟәаҩцәеи маҷҩымкəа изҭаауа Аҧснытәи аҭыҧ ҧшӡарақәа ираҧхьагылоуп уҳәар ауеит Риҵатәи амилаҭтә реликттә парк. Иара иаҵанакуеит Ауадҳарагьы.

Арҭ аҭыҧ ҧшӡарақәа рҟны мышкы рхыргеит ҳкорреспондентцәа. Аӡиа Риҵаҿы уажәы уанхало иуахашҭуеит уааҧсарақәа зегьы. Ашьхақәа рыбжьараҿы аҧсабара иаҧнаҵаз асахьа ссир дарбанызаалак илаҧш аҟәыгара ицәыуадаҩхоит. Убри азы ауп арахь зхыҧхьаӡара маҷҩым ауаа заауа. Аха иарабанызаалак аҧсабара иаҧнаҵаз асахьа аиқәырхара аҭахуп. Убри азы ауп апарк анапхгара ӡынгьы- ҧхынгьы иара аҩныҵҟа аусурақәа зымҩаҧырго. 

 Бзыҧҭантәи Риҵа аӡиа аҟынӡа 40 километра бжьоуп. Амҩаду еснагь иахылаҧштәуп. Аӡын иахьҿабгаз 100- метрак инареиҳаны аҭӡы дыргылеит. Уажәы амҩаду ахаҭа еиҭашьақәдыргылоит. Амҩа аиҭашьақәргылара иаҿуп Аӡиа Риҵеи Ауадҳареи рыбжьарагьы. Ауадҳаратәи аҳауа аӡыхь ауаҩы игабзиаразы акыр ихәарҭоуп. Арахь асасцәа реиҧш, аҭыҧан инхо ауааҧсырагьы халоит. Иқәдыргылоруп ацҳақәа рмаакырақәа. Аиҭашьақәргылара иааралсны ихыркəшахоит автомашьынақәеи, ашьамаҟеи зықәсуа ацҳа.

 Риҵатәи амилаҭтә реликттә парк аҩныҵҟа иҟоу аиҭакрақәа ацқьара агәахәара шырнаҭо атәы рҳәон уаанӡа аӡиа иаҭаахьаз. Иҟаҵоуп автомашьынақәа раангыларҭақәа. Еиҿкаауп ауаа мыццакӡакəа рыҧсы ахьыршьаша. Акыр аҵанакуеит ауаа ршәарҭадара азҵаара аӡбара. Бзыҧҭа змаҵуратә уалҧшьақәа назыгӡо амилициа аусуцәа ирҳәеит , сынтәа аӡәгьы ишиқәмлац, дшыдмырыҳәыц. Апарк анапхгара убас еиҿыркааит аҧсшьаҩцәеи аныҟәаҩцәеи раҧхьатәи амедицинатә цхыраара ахьырзыҟарҵо. Изҿу аиҭакрақәа алыршоуп апарк иаиуа ахашәала иабзоураны, Риҵаҟа ихалоу хәыҷгьы дугьы иаархəоит абилеҭқәа. 

 Сынтәа аҧсшьаҩцәа шмаҷымгьы , 2015 шықәса рзы апарк уажәы иаҭаахьаз рхыҧхьаӡара сынтәа маҷӡак еиҵоуп. Риҵа иаҭаауа асасцәа рымацара ракәӡам. Апарк анапхгара уажәы аӡиас ахықə аҟны ахыбрақәа дыргылоит, асабша - амҽыша зҭаацәеи зҩызцәеи зыцны иаауа ҭынч итәаны аамҭа рхыргартә еиҧш. 

 Д. Инаҧшьба, А. Агәхаа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Февраль 2018
75
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
58
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
77
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
61
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
110
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
100
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК