Агәыҳалалратә фонд «Кьараз» ахылаҧшра зырҭо 30-ҩык ахәыҷқәа Аҟәантә Ауадҳараҟа ҧсшьараҳәа амҩа иқәлеит.

26.07.2016
719

Агәыҳалалратә фонд «Кьараз» ахылаҧшра зырҭо 30-ҩык ахәыҷқәа Аҟәантә Ауадҳараҟа ҧсшьараҳәа амҩа иқәлеит. Ахәыҷы рацәа змоуи, зҭагылазаашьа уадаҩу аҭаацәарақәеи рҟынтә ахәыҷқәа аҧхынтәи алагер рхы аладырхәыртә еиҧш алшара рнаҭеит Аҧсны асоциалтә ҧгаҧсеи аџьахьчареи рфонд. Ари аусмҩаҧгатә иадгылеит ақәыҧшцәа Аҟәатәи рыҩны аусзуҩцәагьы.

Ашьыжь асааҭ жәаба « ақәыҧшцәа Аҟәатәи рыҩны» ашҭа. Араҟа аизара иалагеит Ауадҳара иҟоу аҧхынтәи алагер ахь амҩа иқәлоз. Очамчыра , Гәылрыҧшь, Аҟәа араионқәа рҟынтә ҩажәи жәаҩык ахәыҷқәа раҧхьаҟа ирзыҧшуп ирхамышҭуа аҧсшьара мшқәа. Дара акырынтә ираҳахьеит Ауадҳара аӡбахә, аха уахь ицартә еиҧш иахьа уахәраанӡа алшара рымамызт. Миранда илымоуп еиҭа хәҩык аишьцәеи аиҳәшьцәеи . Иреиҵбӡоу зынӡа фымз роуп илхыҵуа. Асҟаамҭа лҭаацәа дырҧырҵны хара дымцацызт, ҳәарада игәхьаазгалоит, аха Ауадҳарагьы збар стахуп , лҳәоит лара Валери Агрба «Ақәҧшцәа Аҟәатәи» рыҩны еиҿнакаауа есышықәсатәи алагер напхгара азиуеит. Хәшықәсала атуризм иадҳәалоу, ашьха маршрутқәа бзиаӡаны издыруа , ас еиҧш иҟоу аусқәа акырӡа ирзааҧсахьоу ахәыҷқәа ацәаҳәа иқәыргылан абжьгарақәа риҭоит.

Ахәыҷқәа аҭыҧ ҧшӡарақәа рахь аныҟәарақәа рыдагьы, идырҵахоит ашьхаҿы рхы шымҩаҧыргаша, џьара иахәҭам хҭыск иақәшәаргьы, иҟаҵатәу деилдыркаауеит. Ахәыҷқәа Ауадҳараҟа рцаразы ацхыраара рнаҭеит асоциалтә ҧгаҧсеи аџьа ахьчареи рфонд. Уи аиҳабы Амиран Какалиа иҳәоит, ас еиҧш аусмҩаҧгатә ҳаҧхьаҟагьы ишацҵахо.

 Ахәыҷқәа автобус аҿы рҭыҧқәа ааныркылеит, раҧхьа ишьҭоуп амҩа хара изышьцылам аҭыҧқәа, аха уи рацәак хьаас иркым, избанзар, дара ирзыҧшуп Ишьхатәылоу Аҧсны.

 Альбина Жьиҧҳа, Беслан Џьынџьал ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
53
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
31
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
86
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК