Аҧсны ареспубликатә биуџьет ҩнызқьи жәохә шықәсазы анагӡашьазы азакуан рыдыркылеит Жәлар Реизара асессиаҿы.

27.07.2016
548

Аҧсны ареспубликатә биуџьет ҩнызқьи жәохә шықәсазы анагӡашьазы азакуан рыдыркылеит Жәлар Реизара асессиаҿы. Адепутатцәа убасгьы ирыхәаҧшит егьырҭ азҵаарақәагьы. Жәлар Реизара асессиаҿы раҧхьа иахәаҧшраны иҟан Аҧыза- министр Артур Амқәаб игәрагара азҵаара. Аха, иара ииҩыз арзаҳал инамаданы, имаҵура аҟынтәи ихы дахьақәиҭтәу азы адепутатцәа уи ахҳәааҟаҵара рацәак рҽаддмырхалеит.

Ҩнызқьи жәохәшықәсазы ареспубликатә биуџьет анагӡашьазы ажәахә ҟазҵаз апарламенттә хеилак аиҳабы Георги Агрба иҳәеит, ахәашәала аганахь ала уи шынагӡаз ҧшь- миллиардки хәышә миллион мааҭ инарыцны. Убри аан иныхын ҧшь- миллиардки жә- миллион инарыцны. Адепутатцәа азҵаарақәа маҷымкəан ирыман афинансқәа рминистрра аганахь ала, Академик Валери Кәарҷиа еиликаарц иҭахын избан Аҭҵаара дыррақәа Ракадемиа аҧсуа институти азакуан аҟны ирзарбоу аҧара ианаамҭоу изырмоуа. Аминистр Амра Қәаранӡиа илҳәеит, урҭ аусбарҭақәа русуцәа ирзырымшәац ауалафахәы ҳазну ашықәс сентиабр инаркны рыҭара ишалаго. Адепутатцәа убасгьы аҽыҧныҳәа ҟарҵеит, агәаҭаратә палата иаанарҧшыз аҩыжьрақәа рзы афинансқәа рминистрра алкаақәа ахьыҟанамҵаз азы. Иазгәарҭеит, аминистррахь ирыҩуа ашәҟәқәа ианаамҭоу рҭак шырмоуа. Џьоукы- џьоукы ирыҧхьаӡоит афинансақәа рминистрра аҧара иахьахәҭоу иннахуам ҳәа. Иҟанаҵо ахарџь Жәлар Реизараҿ абиуџьет азы ирыдыркылахьоу азакуан еиланагоит ҳәа. Аминистр арҭ аҽҧныҳәақәа рзы иҟалҵаз аҭак адепутатцәа зегьы ирыдрымкылеит. Аха, аҵыхәтәаны иӡбан, ҩнызқьи жәохә шықәса рзы ареспубликатә биуџьет анагӡашьазы азакуан рыдыркыларц. Уи рзы рыбжьы рҭиит ҩажәи – хҩык адепутатцәа.

Асессиаҿы убасгьы ирыхәаҧшны аҧсахрақәа рыларгалеит еиуеиҧшым азакуанқәа рпроектқәа. Атәыла ахада , Аҧсны Иреиҳаӡоу Аусӡбарҭа аусӡбаҩыс Маиа Кәыҵниаҧҳаи, Гал араион аусӡбарҭа аиҳабыс Денис Ашәбеи, Гал араион аусӡбаҩыс Кама Лашәриаҧҳаи , Очамчыра араионтә усӡбарҭа аиҳабыс Валери Занҭариеи ркандидатурақәа рықәшаҳаҭхаразы Жәлар Реизара ашҟа инаишьҭит. Маӡалатәи абжьыҭара иабзоураны, арҭ акандидатурақәа ибзиоуп ҳәа рыхҳәаан.

Адепутатцәа убасгьы иақәшаҳаҭхеит, Аҧсны апрокурор Хада имаҵура аҟнытә ихы иақәиҭтәра.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
71
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
115
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
112
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
103
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
102
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
113
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК