Аҟәа , Ҷанба имҩаду аҿы ихыркәшоуп амҩа акаҭран ақәҵара.

27.07.2016
590

Аҟәа , Ҷанба   имҩаду аҿы ихыркәшоуп  амҩа акаҭран ақәҵара. Уажәшьҭа ара инхо ауааҧсыра реиҧш аҧхынра  аамҭазы ҧсшьара ҳәа   амҩаду  ахахьы   иҟоу аҭыҧ ҧшӡарақәа ирҭаауагьы, алшара рымоуп амҩа  ҿыц  ақәныҟәаразы. Ҷанба имҩаду аҿы  имҩаҧгоуп   аҵыхәтәантәи  аусурақәа. Даҽазныкгьы ишәан   иқәҵоу  ақаҭран аҿыгҳареи, аҭбаареи ,иара  убас  ауреи. Ҳкорреспондентцәа зацәажәаз аҭыҧантәи анхацәа ргәырҕьара ҳәаак амам.   Ари аҩыза  ахҭыс  бзиа   иазыҧшижьҭеи  акрааҵуан.

Амҩа ианысуа егьырҭ ақыҭақәа рынхацәа рыбла иабо агәра  рызгом. Ари амш дара ҩажәа шықәса инареҳианы иазыҧшын. Аибашьра аан акәылӡтәы техника ибжьнахыз, аибашьра ашьҭахьтәи ашықәсқәа рзы зҭагылазаашьа еиҳагьы ицәгьахаз  ақыҭа мҩа ҭыҧ-ҭыҧла машьынала акәым, шьапыла анысра уадаҩын. Амшцәгьақәа раан аҭагылазаашьа еиҳагьы  иуадаҩхон, амҩа зегьы  ӡҭачык иаҩызахон. Аҭыҧантәи анахцәа уи уажәшьҭа   гәалашәарак ирзаҩызоуп. Ауаа ирҳәоит,  ргәырҕьара ҳәаак шамам, иҭабуп ҳәагьы рарҳәоит  аргылаҩцәа.

Амҩа акапиталтә ремонт хацыркын 2016 шықәса рзы Аҧсны асоциал-еканомикатә ҿиаразы акомплекстә план аҳәаақәа ирҭагӡаны. Аҟәа араион ари ахәҭаҿы  амҩа азҵаара ҵарны иқәгылан, уи аҟаҵара хырҧашьа амамызт. Убри аҟынтә,  ҩнызқьи жәаф шықәса алагамҭазы аҳәынҭқарратә еилахәыра «Аҧсны автомобилтә амҩа» иара  еиҟаратәны ақаҭран ақәҵара напынҵас иаҭан. Аусурақәа мҩаҧнагон  амҩа-ргыларатә усбарҭа аномер хҧа.

Амҩа аҟаҵара иалагеит «Акаканҭра» ҳәа иахьашьҭоу аҭыҧ аҟынтәи,  ақаҭран ықәҵоуп ҧшь-километрак рҟынӡа. Аҿыгҳара быжь-сантиметрак еиҵаӡам, иҟоуп иахьеиҳаугьы. Аҭбаара акәзар  - ф-метрак. Араҟа ҭынч еивысуеит амашьына дуқәагьы. Аргылаҩцәа ари амҩа ахархәаразы жәашықәса рҟынӡа  ҿҳәарас иарҭоит.  Аусурақәа шхыркәшоугьы,   аҿыгҳареи аҭбаареи зехьынџьара еиҧшу-еиҧшыму  аилкааразы аҵыхәтәантәи агәаҭара мҩаҧыргеит. Ишеилкаахаз ала, иқәҵоу ақаҭран аҿыгҳаразы  иарбоу  быжь-сантиметрак џьаргьы еиҵаӡам.

Аҳәынҭқарратә еилахәыра «Аҧсны автомобилтә мҩа» аиҳабы Борис Ачба иҭабуп ҳәа реиҳәеит ирзоужьыз аамҭа рыҽҭагӡаны, хаҭабзиара ҳаракыла, аусурақәа назыгӡаз аргылаҩцәа. Иара иҳәеит, асоциалтә-економикатә ҿиаразы акомплекстә план аҳәаақәа ирҭагӡаны зынагӡара рыдыз аобиектқәа зегьы рҿы аусурақәа шыхдырқәшаз. Уажәы  рнапы злаку  Ҧақәашь ақыҭа амҩеи, Аҟәеи Очамчыреи еимаздо амҩахадеи рҿгьы, Аиааира амш азгәаҭара аҟынӡа ақаҭран ақәҵара  иалгарц ргәы иҭоуп.

Елана Лашәриа, Алықсьа Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
109
22 Ноиабр 2017
15
22 Ноиабр 2017
17
Ҿҳәарас иамазаауеит жәа-шықәса .
22 Ноиабр 2017
18
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
152
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК