Аҟәатәи иаарту аинститут аҿы аҧышәарақәа рыҭира хыркәшоуп.

27.07.2016
544

Аҟәатәи иаарту аинститут аҿы аҧышәарақәа рыҭира хыркәшоуп. Урҭ рлыҵшәақәа рыла , 90-ҩык инарзынаҧшуа абитуриентцәа ари аҵараиурҭа иахыҧхьаӡалоуп. 

Иҳәатәуп, иара убас раҧхьа ирҭиуаз аҧышәара аҧсуа бызшәа шакəыз. Аҧснытәи аҳәынҭқарратә университет аҿы аиҧш, иара абраҟагьы аҧсуа бызшәазы абитуриентцәа аҧсыҽра аадырҧшит. Аҟәатәи иаарту аинститут аҿы аҵаратә процесс еиҿкаауп быжь занааҭк рыла. Абитуриентцәа еиҳаракгьы ахшыҩзышьҭра зырҭо азанааҭқәа ируакуп аҳазалхратә ус. Уи иҭаларц азы аразаҳалқәа алазҵаз рхыҧхьаӡара маҷҩым. Абитуриентцәа раҧхьатәи аҧышәара аҧсуа бызшәазы адиктант рыҩуан. Аинститут аректор Валери Кәарҷиа иажәақәа рыла, абитуриентцәа ахатәы бызшәазы адырра ҵаулақәа рзаамырҧшит. Убри иахҟьаны ахәшьра бааҧс зырҭаз рацәаҩхеит. Убри аҟнытә иӡбан даҽазнык аҧышәарахь рынашьҭразы азин аҟаҵара. 

Иҟоуп иара убасгьы, занааҭқәакгьы абитуриентцәа аразаҳалқәа ахьалырымҵазгьы. Ииуль ҩажәи быжьба аҧышәарақәа рыҭиразы аҵыхәтәантәи мшын. Аҧсуа бызшәаз адиктант еиҭа иддырыҩуан. Арҵаҩцәа иазгәарҭон, ахатәы бызшәазы сынтәа ашкол иалгаз даара ишыҧсыҽу. «Аҧсуа бызшәа адиктат аҩра имариоу усуп, еиуеиҧшым аграмматикатә ҧҟарақәа алагаланы ираҳҭом, аха убригьы рзыҩӡом, уи рыцҳара дуны иҟоуп иахьазы,» ҳәа азгәарҭон аҧышәара здызкылоз арҵаҩцәа. Аҭаацәа ракəзар, ирҳәон, иугәаҧханы иалыухуа азнааҭ унапахьы аагара шымариоу атәы. Ҳара ҳгәыҕрақәа зегьы еиҵагыло аҿар ирыдаҳҳәалоит. Рҵарадыррагьы есааира иаздырҳалароуп, рыҧсадгьыл акы иаҧсаны иҟаларц азы, рҳәон дара.

Аинститут иҭало абитуриентцәа реиҳараҩык иазгәарҭон, аҧышәарақәа шымариамыз, аха ашколаҿ ироуз адыррақәа раарҧшра шрылшаз. Аҟәатәи иаарту аинститут аҭаларазы иҭииз аҧышәарақәа рлыҵшәақәа рыла арзаҳал алазҵаз 182- ҩык рахьтә 86-ҩык аҵараиурҭа иахыҧхьаӡалоуп. Аҽакала иуҳәозар сынтәа шәҩык канаҧсеит. 

 Фатима Гьергьиа, Ҭемыр Гогохьиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
117
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
92
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
97
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
69
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
86
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
133
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК