Акультуратә сезон «Урыстәыла-Аҧсны 2016» раҧхьатәи амш хацыркын Аҟәатәи акафедралтә уахәамаҿы асаркьал асрала.

27.08.2016
906

Акультуратә сезон «Урыстәыла-Аҧсны 2016» раҧхьатәи амш хацыркын Аҟәатәи акафедралтә уахәамаҿы асаркьал асрала. Зҧышәа ҳараку Аурыс асаркьал асыҩцәа ауахәама аҭааҩцәа иддырҳаит рҟазара. Аҭыҧантәи асаркьал асыҩцәа ракәзар, ирҿырҵааша рацәахеит.

Асаркьал бжьы жәытә-натә аахыс жәабжь ҿыцк азы адырра узҭо акәны иҟан. Иахьа иара аиҳарак рхы иадырхәоит ауахәамқәа рҿы, анцәаиашьапкра аамҭазы. Аҟәатәи акафедралтә уахәамаҿы икнаҳау асаркьалқәа рҭоурых дырым, аха иану ашәахсҭақәа рыла акыр шахҭнагахьоу убаратәы иҟоуп. Асаркьал асҩы Тимофеи иҳәоит, асаркьал абжьы аргара агәалаҟазаара бзиа шинаҭо, аҧхьа аҵара даналагаз аамҭазы асаркьалқәа ирхылҵуаз абжьқәа усҟак  еиқәымшәозҭгьы, иахьазы ауахәама аҭааҩцәа анцәаиашьапкрахь иааиҧхьоит иҟазарала.

Ҳтәылаҿы имҩаҧысуа «Урыстәыла – Аҧсны - 2016» акультура аамҭақәа рҳәаақәа ирҭагӡаны, Аҟәатәи акафедралтә уахәамахь асаркьал асразы ааҧхьара рыман Урыстәылантәи асаркьал асыҩцәа Павели Антони Радинаа. Павел иҳәоит, иахьатәи аамҭазы асаркьал асра ҟазарак аҳасабала ахырхарҭа шаиуз, иаҧырҵоит иҿыцу ажанрқәагьы. Иазгәаиҭеит, аҭыҧантәи асаркьал асҩы ихәмаршьа шигәаҧхаз. Павел Аҟәатәи ауахәама асаркьалқәа ирхылҵуа абжьы хаауп ҳәа азыиҧхьаӡеит, аҭыҧантәи асаркьал асыҩцәа ирзеиҭаиҳәеит икнаҳау асаркьалқәа рыхьӡқәа.

Павели Антони аҭыҧантәи асаркьалқәеи дареи реибадырра ашьҭахь, рыбжьы дыргеит.

Альбина Жьиҧҳа, Алықьса Агәхаа ,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
28
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
36
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК