Акультуратә сезон «Аҧсныи Урыстәылеи 2016» аҳәаақәа ирҭагӡаны, «Москва аҩны» ахыбраҿы иаатит аконференциа.

27.08.2016
784

Акультуратә сезон «Аҧсныи Урыстәылеи 2016» аҳәаақәа ирҭагӡаны, «Москва аҩны» ахыбраҿы иаатит «Аҧшьаҭыҧқәа рахь аныҟәарақәеи адинхаҵаратә туризми рыҿиара»- захьӡыз аконференциа. Уи аҳәаақәа ирҭагӡаны еиҿкаан Урыстәылатәи ахәыҷқәа рҭыхымҭақәа рцәыргақәҵа.

Урыстәылатәи Афедерациа амш Аҧсны амҩаҧгараз ахшыҩҵак анцәырҵ иӡбан, уи Аҧсны ахьыҧшымра азхаҵара амш иақәыршәазарц. Аҧсны акультуреи, аҭоурых- культуратә ҭынха ахьчареи рминистр Ельвира Арсалиа иазгәалҭеит, аҧхьаҟа Аҧсны амшқәа Урыстәылагьы амҩаҧгара ргәы ишҭоу . «Иахьатәи аконференциа ҵакы хадас иамоу ак ауп, Аҧсны Аҧшьаҭыҧқәарахь аныҟәарақәеи адинхаҵаратә туризми реиҿкааразы ахырхарҭқәа ралхра, Урыстәылатәи ҳколлегацәа рҧышәа рымдара,- ҳәа азгәалҭеит акультура аминистр. Урыстәыла амш мҩаҧыслоит хымш, Аҧсны егьырҭ араионқәа рҿгьы, уи аамҭа иалагӡаны еиҿкаахоит аконцертқәа. «Аҧшьаҭыҧқәа рахь аныҟәарақәеи адинхаҵаратә туризми рыҿиара» захьӡыз аконференциа иалагаанӡа, имҩаҧган аҧшьаҭыҧқәа рҿы иҭыхыз ахәыҷқәа рсахьақәа рцәыргақәҵа.

Ахәаҧшцәа иџьашьаны иазгәарҭон , ас еиҧш аҭыхымҭақәа ахәыҷқәа рнапы иҵырхит ҳәа аҳәара шыуадаҩу атәы. Анаҩс иаартын аконференциа. Араҟа иқәгылоз иазгәарҭон Аҧсны алшара бзиақәа шамоу адинхаҵаратә туризм аларҵәаразы, уи адагьы атуристцәа иҧшьоу аҭыҧқәа рахь рныҟәгара азы алшарақәа аҧҵатәуп. Уи азы Аҧсны беиоуп аҧшьаҭыҧқәа рыла ҳәа азгәалҭеит Урыстәыла акультура аминистрра атуризми арегионалтә политикеи рдепартамент адиректор Ольга Иарилова. Аҧсны аҳәынҭқарра Ахада иҟаиҵаз адныҳәаларатә шәҟәы даҧхьеит атәыла ахада иабжьгаҩ Владимир Занҭариа.

 Аҧсны акуроти атуризми рзы аминистр ихаҭыҧуаҩ Асҭамыр Ахба иажәахә аҿы дазааҭгылеит ҳтәыла иаҭаауа атуристцәа азҿлымҳара шарҭоу аҧшьаҭыҧқәа рахь аныҟәарақәа. Урыстәылантәи ааҧхьара змаз асасцәа ражәахәқәа рҿы иазааҭгылон дара ртәылаҿ атуризм аҿиара шымҩаҧысуеи уи иамоу ахырхарҭақәеи ртәы.

 Фатима Гьергьиа ,Ҭемыр Гогохьиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
20
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
15
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
9
17 Август 2018
14
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
10
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК