Аиааира амш ныҳәа аҽны имҩаҧысран иҟоу «Аҧсны ахьчаҩцәа» захьӡу агәаларшәаратә акциа аиҿкааратә усқәа ирылацәажәеит.

31.08.2016
769

Аиааира амш ныҳәа аҽны имҩаҧысран иҟоу «Аҧсны ахьчаҩцәа» захьӡу агәаларшәаратә акциа иалацәажәон Аџьынџьтәылатә еибашьра ааха знаҭаз аҳәса рассоциациаҿы. Иазааҭгылан иахьазы иҟарҵхьоу, анаҩс акциа амҩаҧысшьа.

Аҧсны жәлар рџьынџьтәылатә еибашьра ааха знаҭаз аҳәса рассоциациа иаҧшьнагаз акциа ауааҧсыра адгылара арҭеит. Иахьа уажәраанӡа ассоциациа аофисқәа рахь иҭахаз аибашьцәа рыуацәа рҭынхацәа  иааргоит  афотоҭыхымҭақәа. Иааидкылан, Аҧсны еиуеиҧшым араионқәеи аҳҭнықалақьи налаҵаны зқьи хәышә фотосахьа рҟынӡа еизгоуп.  Аҳәса-аветеранцәа ирҭахуп афотоҭыхымҭақәа рыдкылара аамҭа даҽа мчыбжьык ацырҵарц, еибашьҩык, зыҧсадгьыл ахақәиҭтәраз зхы иамеигӡаз фырхаҵак дыбжьамхарцаз.
Сынтәазы акциа аиҿкааҩцәа еидыркыло аибашьраан иҭахази, аибашьра ашьҭахь зуалҧшьа анагӡараан иҭахаз аветеранцәеи рфотосахьақәа роуп, анаҩс ҳаҧхьаҟа ари акциа аҽарҭбаалоит. Аҧсны ахьчараз игылеит хыҧхьаӡара рацәала агәымшәацәа, урҭ Анцәа имчала аибашьра иалҵит, аха ироуз ахәрақәа ҭынч ҧсҭазаара рнамҭеит. Аҳәса аветеранцәа ҳаҧхьаҟа ргәы иҭоуп дара рфотоҭыхымҭақәагьы реидкылара.

Акциа иалахәхо афотоҭыхымҭақәа зегьы еиҧшны иҟаҵахоит, иаарласны иааргараны иҟоуп дара зҭасахо арамкақәа. Афотосахьақәа рнапаҟны идыркхоит иҭахаз аибашьцәа рыуацәа рҭынхацәа, урҭ ирыцхраауеит астудентцәеи аиҳабыратә классқәа рҵаҩцәеи. Макьана иӡбам акциа алахәылацәа изнысран иҟоу амҩа, аха уи амҽхак шыҭбаахо уажәнатә идыруп, иара иалахәхоит ҩнызқьи хәышәҩык рҟынӡа ауааҧсыра.

Альбина Жьиҧҳа, Алықьса Агәхаа ,Ат


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииуль 2018
21
19 Ииуль 2018
9
Шықəсыки бжакы раахысиижьҭеи раҳасабырба зеиҧшроу иалацəажəарц Аҧсны Жəлар Реизара Ахада иҿы еиқəшəеит.
19 Ииуль 2018
9
Иара убасгьы имҩаҧысит, Мырзаҟантәи аҧсуаа аҩбатәи реизара ду .
19 Ииуль 2018
16
Ареспубликаҿы имҩаҧысраны иҟоуп ари аныҳәамш иазку ауснагӡатәқәа жәпакы.
19 Ииуль 2018
11
Асиа шьақәыррҕәоуп, иаҧҵаз акомиссиа имҩаҧнагаз аусурақәа ирыбзоураны.
18 Ииуль 2018
93
Аҭыжьымҭаҿы:Арсмира имаҧгаз апресс-конференциаҿы иалацәажәеит аказначеитә система аусура шеиҿкаау атәы.
Загрузка плеера
Алаҳәарақәеи адныҳәаларақәеи
АГТРК