Аҵарашықәс ҿыц аламҭалазы Аҵареи аҵарадырреи рминистр ажурналистцәа рзы апресс-конференциа мҩаҧигеит.

31.08.2016
827

Ҳреспублика ашколқәа аҵара ашықәс ҿыц ишазыҟаҵоу, арҵаҩцәа ирҧыло ауадаҩрақәа уҳәа азҵаарақәа жәпакы ирылацәажәан, Аинформациатә маҵзура «Спутник - Аҧсны» имҩаҧнагаз, аҵареи аҵарадырреи рминистр Адгур Какобеи Аҟәа ақалақь аҵара аусбарҭа аиҳабы Лиудмила Адлеибеи рпресс-конференциаҿы.

Ҳреспубликаҿы 159 школ ыҟоуп урҭ рахьтә Гәылрыҧшьи Очамчыреи рраионқәа рҿы иаркын х-школк, урҭ рҭагылазаашьа ахьыуадаҩз иахҟьаны, ҳәа азгәеиҭеит апресс-конференциаҿы Аҵареи аҵарадырреи рминистр Адгәыр Какоба . Иара дазааҭгылеит убасгьы раионқәак рҿы арҵаҩцәа разымхара азҵаара, аминистр иҳәеит, аиҳаракгьы аҧсуа бызшәа арҵаҩцәа шырзымхо. Аха уи азҵаара аӡбара ҳаҿуп, аҵара процесс уи азы иаанкылахом. Сентиабр акы азы ашколқәа зегьы рышәқәа аадыртуеит, - иҳәеит аминистр. Актәи акласс ахь иааиуа ахәыҷқәа рхыҧхьаӡара ақалақь аҿы ауп иахьырацәоу, аҭыҧқәа разымхарагьы ыҟоуп .Араионқәа рҿы акәзар, иҟоуп школқәак актәи аклассахь иаауа ахәыҷқәа рхыҧхьаӡара хәҩык иахьреиҳамхазгьы. Ажурналистцәа азҿлымҳан ааигәа аминистр арҵаҩцәа алархәны имҩаҧигаз аиҧылараҿы иқәгылаз азҵаарақәа, арҵаҩцәа русураҿы ирҧыло ауадаҩрақәа ртәы.

 Адгәыр Какоба иҳәеит, арҵаҩцәа рџьабаа шыцәгьоу. Аҳәынҭқарра иахьынӡалшо урҭ адгылара рырҭоит, маҷк акәзаргьы ишьҭыхын руалафахәы,- иҳәеит аминистр . Гал араион аҿы ашколқәа рҭагылазаашьа зеиҧшроу дазааҭгыло аминистр иҳәеит, ҩажәа школ ахьыҟоу, ҧшьышколк рҿы аҧсуа бызшәа дзырҵо арҵаҩцәа шыҟам, уи еиҳаракгьы изыхҟьо урҭ ашколқәа ҭыҧла араион аладатәи ахәҭа иахьаҵанакуа ауп. «Арҵаҩы иҧсҭазаара ҳара ашәарҭа иҳазҭаргылом, аха агәра ҳгоит иаарласны уи азҵаарагьы шыӡбахо,»- иҳәеит Адгәыр Какоба. Сынтәа ахәыҷбҳачақәа рахь ирзымышьҭыкәа иаанхаз ахәыҷқәа хыҧхьаӡарала ҩышәи ҩынҩажәижәаҩык иреиҳауп. Уи зыхҟьо аҭыҧқәа разымхара ауп , аха егьа ус иҟазаргьы ҵыҧх аасҭа сынтәа хыҧхьаӡарала еиҳаны ахәыҷқәа рыдыркылеит, ҳәа азгәалҭеит Аҟәа ақалақь аҵара аусбарҭа аиҳабы Лиудмила Адлеиба.

 Апресс- конференциаҿы ажурналистцәа ирзцәырҵыз азҵаарақәа рҭакқәа зегьы ҟаҵан. Уи ахырқәшамҭаз , иӡырган Аинформациатә маҵзура “Спутник - Аҧсны” апроект ҿыц, уи хықәкыс иамоуп актәи акласс ахь ицаз ахәыҷқәа рыцхырааразы анбан ҿыц аҭыжьра. Иара убасгьы агәаҳәара змоу зегьы уи анбан рхы иадырхәарц рылшоит аинтернет ахархәарала .

 Фатима Гьергьиа , Ҭемыр Гогохьиа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииуль 2018
23
19 Ииуль 2018
11
Шықəсыки бжакы раахысиижьҭеи раҳасабырба зеиҧшроу иалацəажəарц Аҧсны Жəлар Реизара Ахада иҿы еиқəшəеит.
19 Ииуль 2018
11
Иара убасгьы имҩаҧысит, Мырзаҟантәи аҧсуаа аҩбатәи реизара ду .
19 Ииуль 2018
18
Ареспубликаҿы имҩаҧысраны иҟоуп ари аныҳәамш иазку ауснагӡатәқәа жәпакы.
19 Ииуль 2018
13
Асиа шьақәыррҕәоуп, иаҧҵаз акомиссиа имҩаҧнагаз аусурақәа ирыбзоураны.
18 Ииуль 2018
97
Аҭыжьымҭаҿы:Арсмира имаҧгаз апресс-конференциаҿы иалацәажәеит аказначеитә система аусура шеиҿкаау атәы.
Загрузка плеера
Алаҳәарақәеи адныҳәаларақәеи
АГТРК