Имҩаҧысит Ҭамара Шьаҟрыл диижьҭеи 90ш. аҵра иазкыз аконференциа.

02.09.2016
769

Иналукааша аҵарауаҩ –абызшәадырҩы, Аҧсны амилаҭтә-хақәиҭратә қәҧара аҧхьагылаҩцәа иреиуаз Ҭамара Платон-иҧҳа Шьаҟрыл диижьтеи 90-шықәса аҵра  иазкыз аиубилеитә конференциа  рҽаладырхәит Аҧсны Ахада Рауль Ҳаџьымба, аҧыза-министр Беслан Барцыц, ҳтәыла аҵарауаа, ауаажәларра.

Дырмит Гәлиа ихьӡ зху Аҧсуа ҭҵааратә институт аиҳабы Уасил Аҩӡба аконференциа аартуа иҳәеит, аҵарауаҩ –абызшәадырҩы, Аҧсны амилаҭтә-хақәиҭратә қәҧара аҧхьагылаҩцәа иреиуаз, азинхьчаҩы, Аҧсны Афырхаҵа, «Ахьӡ-Аҧша» аорден аҩбатәи аҩаӡара занашьаз Ҭамара Шьаҟрыл диижьтеи 90-шықәса аҵра  иазкны ареспубликаҿы ишымҩаҧыргахьоу хыҧхьаӡара рацәала аусмҩаҧгатәқәа – афотоцәыргақәҵа,аиҿцәажәарақәа,  астол гьежьқәа. Уажәтәи аконференциагьы зызку Тамара Шьаҟрыл лнаукатәи лпублицистикатәи ҭынха аҭҵаароуп.

Аконференциаҿы ажәа иҳәеит Аҧсны Ахада Рауль Ҳаџьымба.  Ҭамара Шьаҟрыл лыҧсҭазаара зегьы ақырҭуа шовинизм аҿагылареи аҧсуа жәлар ринтересқәа рыхьчареи  ирсимволуп,   ҳәа  азгәеиҭеит Атәыла ахада .

Аконференциаҿы еицырдыруа аҧсуа ҵарауаа ирыҧхьеит иаздырхиаз ажәахәқәа. Убас, Ҭамара Шьаҟрыл рҵаҩык лаҳасабала длыхцәажәеит афилологиатә ҭҵаарақәа  рдоктор Леонид Саманба.
Афилологиатә ҭҵаарақәа  рдоктор Лили Ҳагҧҳа иҟалҵаз ажәахә аҿы дазааҭгылеит  «Абызшәеи акультуреи реизыҟазаашьа апроблема Ҭамара Шьаҟрыл лыҭҵааратә ҭынхаҿы».  Лили Ҳагба лгәы иаланы илҳәеит, Ешыратәи ашкол аҿы аҧсуа сектор ахь аӡәы заҵәык дахьнеиз иахҟьаны аркра ахьақәшәаз. Ҿырҧштәыс иаалгеит  Ҭамара Шьаҟрыл 50-шықәса раҧхьа абызшәа аӡра апроблема иазкны иҟалҵаз аҳәамҭа. Иазгәалҭеит, уи актуалра шамоу иахьагьы.

Лили Ҳагҧҳа ажәалагала ҟалҵеит Аҧсны имҩаҧгазарц Жәларбжьаратәи Шьаҟрылаа рыхьӡ зху аҧхьарақәа. Агәрагарагьы аалырҧшит ари ажәалагала  адгылара шарҭо Аҧсны анапхгареи аҵарауааи.
Ҭамара Шьаҟрыл ллагала аҧсуа жәлар рмилаҭ-хақәиҭратә қәҧараҿы дазааҭгылеит аҭоурыхтә ҭҵаарадыррақәа ркандидат Антонина Ҳашҧҳа. Уи илҳәеит, Ҭамара Шьаҟрыл ашәара ҟамҵакәа  лаҳәшьеи лареи Сталин иахь иаарту ашәҟәы шырҩыз аҧсуа жәлар рзинқәа ахьеиларгоз  иаҿагыланы,   урҭ  иқәдыргылоз    азҵаарақәа  рыдҳәалан  Аҧсны   аҧсуаа   аҭагылазаашьа роурц рхатәы бызшәала аҵаразы,   иара  убас   иалыршазарц  хыҧхьаӡарала имаҷу  аҧсуа жәлар рмилаҭтә культура арҿиара.  Ажәахәҟаҵаҩы иазгәалҭеит, Ҭамара Шьаҟрыл ишлымаз  хыҧхьаӡара рацәала анаукатәи апублицистикатәи кьыҧхьымҭақәа.

Антонина Ҳашҧҳа  илгәалалыршәеит  Ҭамара Шьаҟрыл данҭаха ашьҭахь, адышшыларатә шәҟәқәа шаарышьҭыз еицырдыруа абызшәадырҩцәеи аҵарауааи Германиантә, Урыстәылантә, Голландиантә, Еиду Америка Аштатқәа уҳәа рҟынтә.

Шьаҟрылаа рҭаацәа рганахьала Ҭамара Шьаҟрыл лиубилеи иазкны еиҿкааз аусмҩаҧгатәқәа рзы  Аҧсны  анахгара ҭабуп ҳәа реиҳәеит аныхаҧааҩ Сергеи Шьаҟрыл.

Амра Амҷҧҳа, Алықсьа Агәхаа, Саид Агәхаа, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
11
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
5
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
35
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК