Ачадара ақыҭан аҩаршьҭрақәа ррыцқьаразы аусурақәа хацыркуп.

05.09.2016
462

Ачадара араион аҿы инхо ауааҧсыра ақәоурақәа раан лассы- лассы аӡы рыҵалоит. Абар шьҭа хәышықәса инацны иҵуеит ари апроблема рымоуижьҭеи. Арҭ амшқәа рзы «Аҧсныҟәарахьчара» афирма иатәу аҳәынҭқарратә еилахәыра «Аҧсныргылара» аспециалистцәа Ачадара ақыҭан аҩаршьҭрақәа ррыцқьаразы аусурақәа ирылагеит. Гиви Гогохьиа жәашықәса ҵуеит Ачадара ақыҭан дынхоижьҭеи. Уи аамҭа иалагӡан, иара иҭаацәа ҩынтә аӡхыҵра аҧхасҭа рнаҭахьеит.

 Амшцәгьақәа раан еизо аҩар зҭысуа аканал ахьрыцқьамыз иахҟьаны, аӡы ақыҭа ауааҧсыра ирыҵалон. Сынтәатәи ашықәсаз ара инхо ауааҧсыра имаҷымкәа амшцәгьақәа раан аҧхасҭа роуит. Аҧсны Аҧыза- министр Беслан Барцыц инапынҵала, «Аҧсныҟәарахьчара» афирма иатәу аҳәынҭқарратә еилахәыра «Аҧсныргылара» аспециалистцәа Ачадара ақыҭан аҩаршьҭрақәа ррыцқьара аус хацдыркит ахәашаҽны. Уажәазы ирыцқьоуп ҩ-километрак инареиҳаны.

«Аҧсныҟәарахьчара» афирма аиҳабы Константин Ҭарба иазгәеиҭеит, аҧхьаҟа ирыцқьатәны ишыҟоу даҽа жәа километрак иназынаҧшуа. Иара убас, Константин Ҭарба иҳәеит, ақыҭаҿы иҟоу аҩаршьҭрақәа ахылаҧшра шрымамыз, шықәсырацәала ишрыцқьамыз,убри иахҟьаны амшцәгьақәа раан ауааҧсыра ааха роуан. «Аҧсныҟәарахьчара» афирма аиҳабы иҳәеит, иара убас Гәымсҭа аӡиас ацҳа ҿыц ахҵаразы апроект аус адулара ргәы ишҭоу. Уи иадҧхьалахоит Урыстәылеи Аҧсныи рспециалистцәа. Иахьа иҟоу аконструкциа ажәхьеит, аҭагылазаашьа уашәшәыроуп. Ацҳа ҿыц аргылара Аҧсны асоциал- економикатә ҿиара аинвестициатә программахь иалаҵоуп.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
10
16 Ианвар 2018
10
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
13
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
14
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
49
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК