Аилахәыра «Премиум» абзоурала Аҧсны аинтернатқәа зегьы ирызнагоуп ахши ачарӡи.

05.09.2016
677

Аҵарашықәс ҿыц алагамҭазы ҳреспубликаҿы иҟоу ашкол интернатқәа зегьы рзы зқьы литра ахши , зқьы пачка ачарӡи рзеихыршарц рыӡбеит аилахәыра «Премиум» ахаҭаранакцәа.

 Иахьа уи ашкол интернатқәа рахь инаган. Аилахәыра «Премиум» ахаҭарнакцәа агәыҳалалратә акциақәа еснагь адгылара арҭоит. «Ахш ашколхәыҷқәа рзы»- ҳәа захьӡу акциа амҩаҧгара ахшыҩҵак рызцәырҵит ааигәа. Ахш ахәыҷқәа ргәабзиара иазеиҕьуп ҳәа иҧхьаӡаны, иазырыӡбеит аинтернатқәа зегьы хшылеи, ачарӡи рыла еиқәдыршәарц. Акциа иалагеит Калдахәаратәи ашкол интернат ала, уахь ишьҭын ҩышә литра инарзынаҧшуа ахши, иара убриаҟара ачарӡи .

Аилахәыра «Премиум» ахаҭарнакцәа аҭааит Аҟәатәи алицеи- интернат, арахь ахәыҷқәа зегьы рыхәҭаа ахши ачарӡи рзааргеит. Кондрат Ӡиӡариа ихьӡ зхыу алицеи-интернат адиректор Лариса Қапба ҭабуп ҳәа ралҳәеит ас еиҧш акциа еиҿызкааз зегьы. Лара илҳәеит, араҟа аҵара зҵо ахәыҷқәа рҭахрақәа зегь рынагӡара шыуадаҩу, убри аҟны ас еиҧш иҟоу акциагьы шыцхыраагӡа дуу.

Иааидкылан, аинтернатқәа рахь ишьҭын зықь тонна инарзынаҧшуа ахши, ачарӡи – ас еиҧш иҟо акциа аҳәаақәа ҭбаамзаргьы, ашкол аинтернат аҿы аҵара зҵо ахәыҷқәа рзы цхыраарак иаҩызоуп .

 Фатима Гьергьиа, Ҭемыр Гогохьиа , АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
11
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
7
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК