Аҵыхәтәанатәи аамҭазы рхыҧхьаӡара рацәахо иалагеит "апты" - ҳәа изышьҭоу ахәаҷамаҷа.

05.09.2016
678

Аҵыхәтәанатәи аамҭазы рхыҧхьаӡара рацәахо иалагеит апты - ҳәа изышьҭоу ахәаҷамаҷа. Иара ауаажәларраҿы афҩыгара ҳәа ауп ишырдыруа. Ари ахәаҷа-хкы ауаҩы иҧсҭазааразы ишәарҭам, аха аҵиаақәа иахьынӡарҧырхагоу, урҭ рықәхразы иҟаҵатәу еилыркаауан ҳкорреспондентцәа. Апты, даҽакала афҩыгара , аҿиара амоуп аамҭа - аамҭала, аамҭак азы урҭ рхыҧхьаӡара рацәаӡам, даҽаамҭаказ, аиҳаракгьы, амш ахәларахь ианнеиуа ирацәахоит.

 Арҭ ахәаҷа-маҷақәа аҧырхага зырҭо ауҭраҭыхи аҵиаақәеи роуп , урҭ рхыҧхьаӡара анырцәоу, абҕьыц иалырцәцәаауеит хәарҭарас иалоу зегьы, анаҩс аҵиаа ҧсуеит . Аекологиа аинститут аиҳабы Роман Дбар иажәақәа рыла, апты иахылҵуа афҩы ада ауаҩы изы ҧырхага амам . Иара уигь рхылҵуеит ашәарҭара иҭагылоушәа анырбо, уи афҩы ала рҽырыхьчоит . Апты аҧштәқәа еиуеиҧшым, дара ахьыҟоу аҭыҧ зеиҧшроу еиҧш аҧшшәгьы аархәоит. Аиаҵәара рацәазар ииаҵәоуп , ажәак ала , аҵла абҕьы ианақәтәоу аҧшшәи иареи еилалоит, убри иабзоураны , ахы аҵәахуеит .

 Афҩыгара аҩны ааигәара имааирц азы , иара убасгьы ауҭраҭыхи аҵиаақәеи аҧырхага рнамҭарц азы иҟаҵатәу дазааҭгылеит аекологиа аинститут аиҳабы Роман Дбар. Ҳҭыхратә гәыҧ анҵамҭа азҳархионаҵы, апты аҧшаара ҳҽазаҳшәеит , аха уи лыҵшәадан. Дара реиҳарак анцәырҵуа ахәлара ианалаго ауп , аҧхарра иахьашьҭоу азы алашара ахьырбо аҭыҧ ахь иҧырны ицоит.

Фатима Гьергьиа , Ҭемыр Гогохьиа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php