Азеиҧш-дырратə школ "Свет" аҟны аиҭашьақəыргыларатə усурақəа мҩаҧысуеит.

06.09.2016
1012

Ҳкорреспондентцәа аҭааит Аҟәа иҟоу азеиҧш-дырратә школ «Свет». Иаҳхысыз ашықәс азы аҵариурҭаҿы аҭыҧ змаз ахҭыс инамаданы, урҭ ахыбра сынтәа аҭагылазаашьа зеиҧшроуи, ахәыҷқәа разыҟаҵара аҩаӡара ахьынӡаҳаракуи еилыркаауан.

Шықәсык аҧхьа ахәыҷтәы азеиҧш- дырратә школ «Свет» аҭагылаазаашьа зынӡа иуадаҩын, араҟа аӡын аамҭазы акласстә уада зырҧхоз аиқәршәага ахьыхҩамыз аҟынтә амашәыр ҟанаҵеит. Ашкол аҵаҩы амца лыцрасит. Ианаамҭаз илоуыз ацхыраара иабзоураны, акгьы лмыхьит. Сынтәа, аҵариурҭаҿы аҭагылазаашьа аҧсахразы рхатәымчқәа рыла актәи аихагылаҿы аиҭашьақәыргыларатә усурақәа мҩаҧыргеит. Ирыҧсахит афымца мҩанызго ацәаҳәақәа. Иршәит аҭӡамцқәа.

Иааидкылан, ари ашкол аҿы аҵара рҵоит ҩышәык инарзынаҧшуа ахәыҷқәа. Араҟа аҵаратә процесс мҩаҧысуеит асааҭ жәба инаркны ҧшьбанӡа. Ахәыҷтәы азеиҧш дырратә школ «Свет» адиректор Мариа Ҧлиа иазгәалҭоит, ахәыҷқәа ашкол ахь ицаанӡа разыҟаҵара шымҩаҧырго, иара убасгьы алагарҭатә классқәа рҿы ахәыҷқәа шазыҟарҵо. «Аҧхьаҟа гәҭакыс иҳамоуп аҧсуа бызшәа дырҵаразы акурсқәа раартра,»- лҳәеит Мариа Ҧлиа.

Ашкол арҵаҩцәа иазгәарҭоит аусуразы иахәҭоу зегь рыла ишеиқәыршәоу.«Аха, рышкол иагыу рацәоуп аиҭшьақәыргылара аҭахуп , зегь ҳаицхыраан иҳалшо ала аусура ҳаҿуп,»- ҳәа азгәалҭеит алгараҭатә классқәа рырҵаҩы Нана Кәыҵниаҧҳа. Ашкол «Свет» урыс школны иҧхьаӡоуп , аха аҭаацәа ирҭахуп рхәыҷқәа аҧсшәагь ддырҵаларц, убри инамаданы, ирыӡбеит ҷыдалатәи акласстә уада аадыртырц, аха макьана уи иазыхиам. 

Ари ашкол аҩбатәи аихагыла аҟны акәзар, иҧсахтәу рацәоуп- аҧенџьырқәа, афымца мҩанызго ацәаҳәақәа, ишәтәуп акласстә уадақәа, ажәакала еиҭарҿыцтәу маҷым. Ашкол анапхгара ракәзар , раҧхьа ишьҭоу имараим аус хәҭа-хәҭала аӡбара иаҿуп. Иара убасгьы ргәы иҭоуп аҟазара аганахь ала еиуеиҧшым акласстә уадақәа раартра. Уи иаҭааларц рылшоит агәаҳәара змоу зегьы.

 Фатима Гьергьиаҧҳа , Асҭамыр Гәажәба , АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
21
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
23
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
27
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
79
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК