Аҟәатәи аҳәынҭқарратә акультура ҵараиурҭа сынтәа иахыҵит хынҩажәа шықәса.

06.09.2016
839

Аҟәатәи аҳәынҭқарратә акультура ҵараиурҭа сынтәа иахыҵит хынҩажәа шықәса. Аҭоурых ду змоу амилаҭтә культуратә хәышҭаара аиқәырхаразы злагала дуу аҵарадырратә усҳәарҭа иахьагьы аус шауц иауеит. Сынтәатәи аҵарашықәс азы уахь иахыҧхьаӡалан ҩажәи жәаҩык рҟынӡа аҟазара зхы адызҳәалар зҭаху аҵаҩцәа.

Ахореографиатә ҟәша ахҧатәи акурс, амаҭәар аклассика, сынтәа зҵара хзыркәшаран иҟоу Аҟәатәи акультура аҵараиурҭа астудентцәа аҧхынтәи аҧсшьарамшқәа рышьҭахь ишьақәдыргылоит изхысхьоу. Тамила Џьалаҕониа жәохәшықәса ҵуеит дкәашоижьҭеи, ансамбль «Кавказ» далоуп, Аҧсны зҽаҧсазтәыз артист ҳәа ахьӡ даҧсахахьеит, аха убри аамҭаз лара лзаанаҭ аганахьала лдыррақәа еизлырҳауеит, аҵаариурҭа дастудентуп.

Аҟәатәи аҳәынҭқарратә акультура ҵараиурҭа, амилаҭтә ҟазаразы аспециалистцәа ахьазыҟарҵо изаҵәу ҵарадырратә усҳәарҭоуп. Иара аартын 1956 шықәсазы Қарҭҭтәи афилиал аҵаралашаратә ҵараиурҭа ҳәа хьӡыс иаманы. Ари ахыбра ҧасатәи анапхгаҩцәа рыбзоурала иалыршахоит Аҟәатәи аҵаралашаратә ҵараиурҭа ҳәа ахьӡ аҧсахра. Анаҩс излагаз аибашьра, иаҧсахыз даара ирацәоуп. Иуҳәар алшоит, араҟа ҿыц зышьҭа кыз маҷым ҳәа. 2008 шықәсазы аҵараиурҭа ахьӡ еиҭаҧсаххоит Аҟәатәи аҳәынҭқарратә культуратә ҵараиурҭаҳәа. Уи аушьҭымҭацәа аӡәырҩы иреиҳау аҳәынҭқарратә ҳамҭақәа рҽаҧсартәхьеит. Араҟа ауп иахьииз ансамбыль «Шьараҭын», «Гәында».

Шамахамзар, ҳтәыла араионқәа рҟын иаарту арҿиаратә гәыҧқәа рнапхгаҩцәа, мамзаргьы аҟазара знапы алаку зегьы Аҟәатәи аҳәынҭқарратә культуратә ҵараиурҭа иалгахьеит. Араҟа арҵаратә процесс мҩаҧысуеит ҩ-хырхарҭак рыла, ишоуп- ахороеграфиатәи жәлар рмызыкатә арҳәагақәеи рыҟәшақәа рыла. Ирхысуеит ихадоу амаҭәарқәа реиҧш агуманиатартәқәагьы. Сынтәа аҵараиурҭа иҭалеит ҩажәи жәаҩык рҟынӡа ахәыҷқәа еиуеиҧшым араионқәа рҟынтә. Иҳәатәуп, ахореографиатә ҟәша алызхыз рхыҧхьаӡара иаҳа ишырацәоу жәлар рмузыкатә рҳәагақәа раасҭа. Уи иамоуп ахатәы мзызқәа. Аслан Амҷба хышықәса раҧхьа Арасаӡыхьынтә дааит Аҟәаҟа аҵараиурҭа дҭаларц.

Сынтәа иара иҵара хиркәшоит, иҳәоит аҵаратә процесс шымариам, аџьабаа иацәшәо аҵараиурҭаҿы иҭыҧым , азгәаиҭоит Аслан. Аҵараиурҭа аиҳабы Сира Аҩӡба илҳәоит, ҿыц арахь имҩахыҵуа ахәыҷқәа рыбжьара ишыҟоу аҟыбаҩ ҷыда злоу, ус анакәха ари аҵарадырратә усҳәарҭа ҳаҧхьаҟагьы ахықәкы хада, ҳмилаҭтә ҟазара аиқәырхара, нанагӡоит. Иахьазы аҵариурҭаҿы аҵара рҵоит ҧшьышәҩык рҟынӡа ахәыҷқәа, арахь ирыдыркылоит зынӡа имаҷқәоугьы, аҟазара зҽадзыҧхьаларц зҭаху зегьы мап рцәыркуам.

Сынтәатәи аҵарашықәс азы арзаҳалқәа рыдыркылоит ари амчыбжь нҵәаанӡа.

Альбина Жьиҧҳа, Ҭемыр Гогохьиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК