Аҟәа иаатит Жәларбжьаратәи аҭҵаарадырратә аиубилеитә конференциа.

07.09.2016
686

Аҟәа иаатит Жәларбжьаратәи аҭҵаарадырратә аиубилеитә конференциа. Уи азкуп Аҟәатәи аботаникатә баҳча 175 –шықәса ахыҵра, Аҟәатәи асубтропикатә дендропарк 120-шықәса ахыҵра, иара убас академикцәа Гиви Аибеи Альфред Колоковскии иижьтеи 85 шықәсеи 110-шықәсеи рыҵра.

Анаукатә конференциа рҽаладырхәырц Аҧсныҟа иааит Урыстәыла, Венгриа, Великобританиа, Австралиа, Ермантәыла уҳәа рҟынтә аҵарауаа. Аконференциа алахәылацәа рахь ашәҟәы наишьҭит Аҧсны ахада Рауль Ҳаџьымба.

Аҧсны абеиарақәа ируакуп Аҟәатәи аботаникатә баҳча. 175 –шықәса раҧхьа зышьаҭа кыз абаҳчаҿы иахьа ирызҳауеит хыҧхьаӡара рацәала иуникалтәу аҵиаақәа. Ҳтәылаҿы, Аҟәатәи аботаникатә баҳча аиубилеи иазку аконференциа амҩаҧгара анаҧшьырга, уи алахәхаразы агәаҳәара аадырҧшит Аҧсны анҭыҵынтә аҵарауаа. Аҧсны ахада иабжьгаҩ Владимир Занҭариа аконференциа алахәылацәа рахь Аҧсны Ахада Рауль Ҳаџьымба иааишьҭыз ашәҟәы даҧхьеит. Уи аҿы иазгәаҭан, Аҟәатәи аботаникатә баҳча иуникалтәу аботаникатә ҭҵаарақәа ишырҭыҧу. Аҵарауаа имҩаҧырго аусурақәа ртәы шыркьыҧхьуа Аҧсны анҭыҵ иҭыҵуа анаукатә ҭыжьымҭақәа рҿы.

Аҧсны Анаукақәа Ракадемиа ахада Зураб Џьапуа аботаникатә баҳча аиубилеи аҵарауаа ирыдныҳәало игәалаиршәеит, Аџьынџьтәылатә еибашьра аан абаҳча ааха ҕәҕәа шаҭазгьы, аусуҩцәа ишрылшаз уи аиҭашьақәыргылара, иҵҩааз аҵиаақәа ҿыц ршьапы акра.

Аконфренциа иалахәыз Урыстәыла, Венгриа, Великобританиа, Австралиа, Ермантәыла уҳәа рҟынтә аҵарауаа иахьатәи аботаникатә баҳча аусуҩцәа адныҳәаларақәа рыдагьы, ирзааргеит ртәылаҿы иҭрыжьыз аҭҵаарадырратә шәҟәқәа, еихарҳаша аҵиаақәа уҳәа имаҷымкәа аҳамҭақәа. Ари аконференциаҿы ирацәан Ҟрым ахаҭарнакцәа. Едуард Гәбаз игәалаиршәеит, Аҟәатәи аботаникатә баҳча анышьаҭаркуаз раҧхьатәи аҵиаақәа шаагаз хаҭала Ҟрымтәи Никитсктәи аботаникатә баҳча аҟынтә. 

Аҟәатәи Иаарту аинститут аректор Валери Кәарҷиа иҳәеит, астудентцәа рхы ишадырхәо аҧсуа ҵарауаа рыҭҵааратә шәҟәқәа. Жәларбжьаратәи аҭҵаарадырратә аиубилеитә конференциа мҩаҧыслоит сентиабр жәабанӡа. Уи аҳәаақәа ирҭагӡаны еиҿкаахоит апленартә еилатәарақәа, аиҿцәажәарақәа, Аҧсны аҳәырҧсаррақәа рахь аныҟәарақәа. Ахыркәшамҭаз ирыдыркылоит арезолиуциа. Аботаника аинститут аиҳабы Едуард Гәбаз иажәақәа рыла, уа иарбахоит еизаз аҵарауаа рылкаақәа, аботаникатә баҳча аусура аиҕьтәразы рабжьгарақәа. 

 Амра Амҷҧҳа, Алықьса Агәхаа, Ҭемыр Гогохьиа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
67
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
33
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
100
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК