Ҳазҭалаз аҵарашықәс ҿыц ицәырнагеит имаҷымкәа ауадаҩрақәа арҵага шәҟәқәа ирыдҳәалан.

07.09.2016
1011

Ҳазҭалаз аҵарашықәс ҿыц ицәырнагеит имаҷымкәа ауадаҩрақәа арҵага шәҟәқәа ирыдҳәалан. Ашколқәа рҿы иҟоуп аклассқәа ахәыҷқәа рхатәы бызшәазы  ашәҟәқәа зынӡаск иахьырмоуз. Ари аҭагылазаашьа аҭаацәа агәынамӡара рызцәырнагоит.   Иҟоу ауадаҩра зыхҟьаз, насгьы азҵаара аныӡбахо атәы,  ҳкорреспондент ланҵамҭаҿы.

Аҟәатәи аҧшьбатәи абжьаратә школ абиблиотека аусзуҩ Асҭанда Кәыҵниаҧҳа аҵарашықәс ишалагаз, арҵагашәҟәқәа аклассқәа рахь реихшара даҿуп.  Лара ибзиан илдыруеит ахәыҷқәа ирку ашәҟәқәа рҭагылазаашьа зеиҧшроу. Акыршықәсқәа зхыҵуа арҵагашәҟәқəа ахәыҷқәа идуркыртә иҟам, аха уигь ишакәхалак еидкылан, ахәыҷы зынӡаск ашәҟәы имоур аасҭа ҳәа азыӡбаны ирызшан, иара уигь ахьазымхаз ыҟоуп. Аҭаацәа ахәыҷқәа аурок рҵарцаз  иақәҭыхны ирзыҟарҵоит.  

Аҩбатәи акласс азы Аҧсуа аҧхьара адагьы, иҟоуп егьырҭ арҵагашәҟәқәа разымхарагьы. Аурыс бызшәа, Ҳазну адунеи уҳәа аиҳарак алагарҭатә школқәа ирҭаху амаҭәарқәа рзы. Макьана ашколтә ҧсҭазаареи аҵарадырреи ргәыбылра зымкыц ахәыҷқәа ари аҭагылазаашьа аҵара ргәы ахнаршәар алшоит.
Убри аан ахәыҷқәа ирзыршоит сынтәа зҭыжьра алыршахаз арҵагашәҟәқәа ааба, урҭ рхыҧхьаӡара фнызқь- аанызқь рҟынӡа иҟоуп, ашколқәа зегьы рызхара ҭыжьуп. Макьана занапаҟны измауц ироураны иҟоуп.  Абиблиотека аусзуҩцәа ашколқәа рҿы иазымхо ашәҟәқәа рсиа шьақәыргылан аҵара усбарҭахь ирышьҭуеит, ус ауп ишеилкаахо аҭыжьреи аиҭаҭыжьреи рахь иазырхиатәу арҵагашәҟәқәа. Аҵареи аҭҵаарадырреи рминистрраҿы ашколқәа рҿы иҟоу ауадаҩра атәы рдыруеит. Аҵара аминистр ихаҭыҧуаҩ Медеиа Ченгьелиа илҳәоит, арҵагашәҟәқәа разымхаразы иҟоу апроблема иаарласны ишыӡбахо.

Адунеи зегь аҿы аҵарадырра ацхыраареи ахшыҩзышьҭреи анарҭо аамҭазы, ҳтәылаҿы  ахатәы бызшәазы арҵагашәҟәқәа   разымхара  аҭыҧ амамзароуп.

Альбина Жьиҧҳа, Ельдар Дамиров ,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
89
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
75
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК