Очамчыра араион аҿы аӡхыҵра иарбгаз ацҳақәа еиҭашьақәдыргылоит.

07.09.2016
803

Аҳәынҭқарратә наплакы “Аҧсныҟәарахьчара” аусзуҩцәа Очамчыра араион Џьгьардеи, Кәтоли , Ҕәадеи рқыҭақәа рҿы амшцәгьақәа раан аӡы иҵнаӡәӡәааз ацҳақәа реиҭашьақәыргыларазы имҩаҧырго аусурақәа ахыркәшарахь инеиуеит.

Уи инаҷыданы, х-ӡиаск ахьеилалоу аҭыҧ аҿы аҟәара арҕәҕәаразы адамбақәа дыргылоит. Мызкы аҧхьа илеиз ақәаршҩы ақыҭақәа Кәтоли, Џьгьардеи рынхацәа аҧхасҭа ду рнаҭеит, рыҩнқәа аӡы рыҩналеит, иагеит аҩнытә ҧсаатәқәа, иаӡәӡәеит руҭраҭыхқәа. Џьгьарда ақыҭаҿы акәзар аӡы иагеит аа-цҳак. “Аҧсныҟәарахьчара” ахаҭарнакцәа урҭ реиҭашьақәыргылара иаҿуп. Џьгьардеи Аҭареи еимаздоз ацҳа ҿыц хҵан. Иара убасгьы, аусурақәа мҩаҧыргоит Џьгьардеи Кәтоли рқыҭақәа ирылсуа х-ӡиаск ахьеилало аҟәара арҕәҕәаразы.

Константин Ҭарба иажәақәа рыла, аусурақәа рыбжа нарыгӡахьеит. Аӡиасқәа рҟәара арҕәҕәаразы араҟа аус руеит ҩышә иназынаҧшуа атехника. Иҟоуп урҭ русураҿы ауадаҩрақәа анырҧылогьы, аха иахьанӡа ирылшо ала иаҧыхуа иааиуеит. Ҭоумышь аӡиас ихыз ацҳа акыршықәса ахыҵуеит, аӡы анхыҵ ашьаҭа ҵнаӡəӡәааит, иахьа араҟа уи аиҭашьақәыргыларазы аусурақәа ирҿуп.

Ахыркәшараҟынӡа маҷкоуп ирзынхаз. Кәтол ақыҭа ахада Вахтанг Кәарацхьелиа иҳәоит, ақыҭа ауааҧсыра гәахәарала ишрыдыркылаз ироуз ацхыраара. Кәтоли Ҭоумышьи еимаздо ацҳа аиҭашьақәыргылақәа хдырқәшараны иҟоуп мчыбжьык иалагӡан. Анаҩс ари ацҳа иқәслар рылшоит амашьыналасқәа реиҧш аидара мҩанызгогьы. 

 Фатима Гьергьиа, Саид Агәыхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
9
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК