Аусеицура арҭбаара хықәкыс иҟаҵаны Боливариантәи ареспублика Венесуела аделегациа Аҧсны иаҭааит.

08.09.2016
815

Аҧсны усутә визитла иаҭааит Боливариантәи ареспублика Венесуела Урыстәыла иҟоу аамҭалатәи ацҳаражәҳәарҭа аделегациа. Урҭ ҳтәылаҿы рыҟазаара иалагӡаны, имҩаҧыргараны иҟоуп аиҧыларақәа жәпакы.

Аҧсны адәныҟатәи  аусқәа  рминистр ихаҭыҧуаҩ Олег Аршбеи Боливариантәи ареспублика Венесуела Урыстәыла иҟоу аамҭалатәи ахаҭарнак гәрага Альвиро Енирке Кордеро напхгара зиҭо аделегациа алахәылацәеи реиҧылараҟны инаҵшьны иазгәарҭеит,  ҳтәылақәа рыбжьара адипломатиатәи, аекономикатәи, акультуратәи, аполитикатәи усхкқәа рҟны аимадарақәа рырҕәҕәара  ҳҳәынҭқаррақәа рзы акырӡа шаҵанакуа. Ҳтәылахь иааз Урыстәыла иҟоу Венесуела ацҳаражәҳәарҭа аделегациа ҩымштәи русутә визит иалагӡаны ргәы иҭоуп аиҩызаратә еимадарақәа рырҕәҕәареи, ҩ-ганктәи аусеицзура арҿиареи рзы аиҿцәажәарақәа рымҩаҧгара.

Асасцәа рделегациа ахада Аҧснытәи адипломатцәа ааҧхьара риҭеит сентиабр 17-18 рзы Венесуелатәи адгьылбжьаха «Маргарита» имҩаҧысраны иҟоу егьырҭ аҳәынҭқаррақәа ирыламлаз атәылақәа рхаҭарнакцәа реиҧыларахь.

Олег Аршба иҭабуп ҳәа реиҳәеит иҟарҵаз анаҧхьаразы, иагьазгәеиҭеит Аҧсны аминистрцәа реилазаара ибзиоуп ҳәа шахырҳәааз Венесуела аиҳабыра аус рыцуразы аиқәшаҳаҭра апроект. Аделегациа иара убас идикылеит, Аҧсны аекономика аминистр Адгәыр Арӡынба. Асасцәа бзиала шәаабеит ҳәа раҳәо, аминистр  иҭабуп ҳәа ахиҳәааит дара ҳтәыла иахьаҭааз. Адгәыр Арӡынба иазгәеиҭеит, Аҧсныи  Венесуелеи шықәсылатәи русеицура иабзоураны ишалыршахаз жәлар рҳәынҭқарратә еизыҟазаашьақәа рырҕәҕәара, иара убас ишыҟаҵоу аекономика ахырхарҭала ихадоу ашьаҿақәа.

Аделегациа алахәылацәа ракәзар, адгылара аадырҧшит ари ахырхарҭала аусура. Венесуела ацҳаражәҳәарҭа аделегациа Аҧсны иҟазаауеит сентиабр жәбанӡа. Уи аамҭа иалагӡаны иазгәаҭан ирымоуп аусутә еиҧыларақәа рымҩаҧгара , атәыла Ахада Рауль Ҳаџьымба иҧылара.

А.Кәартаа,С.Смыр, С.Аиба, Б.Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
1
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
1
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
89
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
77
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК