Ауаажәларратә еиқәшаҳаҭра анагӡашьа иалацәажәеит астол гьежь аҟны.

08.09.2016
880

Сентиабр ааба рзы аполитикатә партиа «Аинар» еиҿнакааит 2014 шықәса рзы Аҧсны ахадарахьы иқәгылаз акандидатцәа рнапы зҵарҩыз Ауаажәларратә еиқәшаҳаҭра иазкны аилацәажәара. Аиқәшаҳаҭраҿы иарбоу ахәҭақәа рҟынтә иахьа атәыла анапхгараҿы иҟоу, аҳәынҭқарратә мчра змоу инарыгӡахьоуи ирзынамыгӡази ртәы алацәажәаразы ааҧхьара рыман акандидатцәа, аиқәшаҳаҭра рыдызгалаз аполитикатәи ауаажәларратәи еиҿкаарақәа рхаҭарнакцәа. 2014 шықәсазы атәыла Ахада иалхрақәа рыламҭалаз, усҟантәи ауаажәларратә еиҿкаара, иахьа иполитикатә партиоу «Аинар» ҧшь-ҩык акандидатцәа ирыдыргалаз ауаажәларратә еиқәшаҳаҭра рнапы аҵарҩит, уи алагьы идырҵабыргит алхрақәа рҿы аиааира аныргалак, аиқәшаҳаҭра ахәҭақәа шынарыгӡо. Аиқәшаҳаҭраҿы иарбоуп ихадароу ахәҭақәа жәиҧшь. Адемографиа, абызшәа, аенергетика, аекологиа, агәабзиарахьчара, аҵарадырра, атәылахьчара, акоррупциа аҿагылара уҳәа ахырхарҭақәа рҿы зыда ҧсыхәа ыҟам раҧхьатәи ашьаҿақәа. Аполитикатә партиа «Аинар» ахаҭарнакцәа изларыҧхьаӡо ала, аиқәшаҳаҭра ахәҭақәа зегьы рынагӡаразы аамҭа ыҟан, аха Ҭенгизи Алмаси Џьапуаа ражәақәа рыла, иубаӡом уи азы агәазыҳәара, мамазаргьы аҽазышәарақәа. Ауаажәларратә еиқәшаҳаҭра иазкны имҩаҧысуаз аилацәажәараҿы иазгәаҭан, инагӡоу ахәҭақәа рахь ишаҵанакуа аказначеитә системахь аиасра, Агәаҭаратә палата аусура аиҿкаара, иара убас агәабзиарахьчаразы азакуан Аҧсны жәлар реизара адкылара. Амра Амҷҧҳа, Беслан Чхьынџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Аизара аҟны Аҧсны арратәи аполитикатәи ҧсҭазаараҿы зџьабаа акыр идууз, зыдунеи зыҧсаххьоу иранашьан "Аиааиразы"амедал.
47
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК