Август алагамҭаз аӡхыҵра иҟанаҵаз аҧхасҭа иалацәажәан Аҧсны аусдкылаҩцәа еиҿыркааз “астол гьежь” аҿы.

08.09.2016
586

Август алагамҭаз аӡхыҵра иҟанаҵаз аҧхасҭа иалацәажәан Аҧсны аусдкылаҩцәа еиҿыркааз “астол гьежь” аҿы. Уи иалахәын аӡхыҵра ҧырхага знаҭаз аусдкылаҩцәа, ауааҧсыра, Аҟәа ақалақь ахадара, аминистрцәа реилазара ахаҭарнакцәа .

Август хҧа аухаз Аҟәа иҟалаз аӡхыҵра аҧхасҭа рнаҭеит хыҧхьаӡара рацәала ауааҧсыра.  Иахьа уажәраанӡагьы уи ахьҟьа-ҧҟьақәа раҧыхра иаҿуп. Аӡхыҵра ҧырхага знаҭаз ауааҧсыреи Аҟәа ақалақь анапхгареи реиқәршәара хықәкыс иҟаҵаны,  Аҧсны аусдкылаҩцәа рассоциациа еиҿнакааит “астол гьежь”.
Аҧсны аусдкылаҩцәа рассоциациа ахантәаҩы Роман Каҷараа аиҧылара аартуа иҳәеит, “астол гьежь” аҿы ауааҧсыреи аҳәынҭқарра ахаҭарнакцәеи еибырҳәар шрылшо ргәы иҵхо зегьы. Иҟоу ауадаҩрақәа рыӡбаразы иҧшаатәуп  амҩақәа  – азгәеиҭеит иара. “Астол гьежь” иалахәыз  аӡхыҵра ҧырхага знаҭаз ауааҧсыра ргәынамӡарақәа ртәы рҳәеит.

Аҟәа ақалақь ахада Адгәыр Ҳаразиа иҳәеит, иахьазы аҳҭны-қалақь ахадарахь ишалаҵо арзаҳалқәа жәшәи хынҩажәа.  Ишидыруа иҳәеит урҭ рхыҧхьаӡара ишацло. Убри аан иазгәеиҭеит,  Аҟәа ақалақь ахадара абиуџьет аҿы ишарбам еиуеиҧшым аҧсабаратә цәырҵрақәа раан ааха зауз   ацхыраара рыҭара. Аҳҭнықалақь анхамҩа иаҭоуп ҧшьышәи жәеиза миллион мааҭ рҟынӡа аҧхасҭа, хаҭала ауаа ироуз   ацәыӡ шаҟа артәо  макьана ишьақәыргылам. Аӡиас маҷқәа ррыцқьара азҵаара далацәажәо, Адгәыр Ҳаразиа иҳәеит, аусурақәа шымҩаҧырго, аха ҭыҧқәак рҿы  атехника неиртә еиҧш аҭагылазаашьа шамам ауааҧсыра изакәанымкәа иҟарҵо аргыларақәа ирхырҟьаны. Џьара-џьара арыцқьаратә усурақәа рыҟаҵаразы иаҭахуп иҷыдоу амашьынақәа, аха урҭ ақалақь акоммуналтә усбараҭа иамам.

Аминистрцәа реилазара азиндырратә ҟәша аиҳабы Лаша Цаа иҳәеит,  аӡхыҵра ауааҧсыра ирнаҭаз аҧхасҭа азҵаара акырынтә ишалацәажәахьоу аиҳабыра реилатәарақәа рҿы. Иалаҵоу арзаҳалқәа зегьы аус рыдулара шцо. Афинансқәа рминистрра иаҭоуп адҵа, аҧхасҭа зауз ауааҧсыра ацхыраара рыҭаразы аҧара аҧшаара.
Аҧсны аусдкылаҩцәа рассоциациа ахантәаҩы Роман Каҷараа иҳәеит, аӡхыҵра еиҭа аҧхасҭа рацәа ҟанамҵарцаз аӡиасқәа ррыцқьараҿы ацхыраара шрырҭо. Дара рганахьала иазыхиоуп атехника шаҟа аҭаху абылтәы ала аиқәыршәара.

Альбина Жьиҧҳа, Роберт Ломиа ,АТ    


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
47
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
68
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК