Очамчыра араион афымцанхамҩа аҭагылазаашьа иалацәажәеит араион ахадараҿ имҩаҧгаз аиҧылараҿы.

09.09.2016
755

Очамчыра араион афымцанхамҩа аҭагылазаашьа? Ауааҧсыра афымца ахархәаразы ирықәу ауал ианаамҭоу иршәома? Уи еиҧҟьарада ашәаразы иҟаҵатәу? уҳәа азҵаарақәа жәпакы ирзааҭгылан араион анапхгареи, ақыҭа ахадацәеи злахәыз аиҧылараҿы. Уахь ааҧхьара иман «Амшынеиқәафымцамч» аиҳабы Аслан Басариа .

Аиҧылара аартуа , Очамчыра араион ахада Хьрыҧс Џьопуа иазгәеиҭеит, иаарласны Аҧсны имҩаҧысран иҟоу Урыстәылатәи Афедерациа аҳәынҭқарратә Думахь адепутатцәа ралхрақәа, ақыҭа ауааҧсыра активла рхы рыладырхәыр шакәу. « Урыстәылатәи атәылауаҩ ишәҟәы змоу зегьы алшара рзаҧҵатәуп алхратә ҭыҧ ахь инеины рыбжьы рҭиирц,»- иҳәеит Хьрыҧс Џьопуа.

Анаҩс ииасын аизара азҵаара хадахьы. Очамчыра араион аҿы иҟоуп 27 қыҭа. Урҭ рҿы инхоит рхыҧхьаӡара маҷымкәа ауааҧсыра . Ӡынгьы ҧхынгьы инырхуа афымца азы аҧара ашәара рцәыуадаҩуп. Иҟоуп шықәсыла ауал зқәугьы. Ари азҵаара аӡбараҿы зегьы ҳаидгылароуп, иҳәеит Хьрыҧс Џьопуа . “ Амшынеиқәафымцамч” Очамчыратәи аҟәша аиҳабы Беслан Аҳәба иқәгылараҿы дазааҭгылеит, аҵыхәтәантәи ашықәс азы араион ауааҧсыра фымцалашарада иаанымхарц азы имҩаҧыргахьоу аусурақәа ртәы . Алашара аиуразы ахарџь маҷымкәа иаҭахуп, убри аан ауааҧсыра аҧара ашәара рцәыуадаҩуп . Ари азҵаара аныӡбамха аҭагылазаашьа уадаҩхоит, иҳәеит Аҳәба . Ақыҭақәа рахь афымцалашара ахәҧса рымырхырц ианнеиуа ауааҧсыра агәынамӡара аадырҧшуеит, ус еиҧш ахҭысқәа ҟамлароуп , ҳәа азгәарҭеит аиҧылараҿы .

«Афымца лашара ахәҧса амшәара Очамчыра араион аҿы мацара акəӡам иахьыҟоу, ари аҩыза апроблема Аҧсны араионқәа зегьы рҿы иқәгылоуп», иҳәеит “Амшынеиқәафымцамч” аиҳабы Аслан Басараиа . «Афымца лашара мҩанызго амыругақәа зегьы ажәхьеит, урҭ реиҭарҿыцразы аҧара ҳара иҳамам, ауааҧсыра ишахәҭоу еиҧш инырхыз афымца ахәҧса ршәозҭгьы, маҷ-маҷ иҳарҿыцлон, иҳәеит Аслан Басараиа иқәгылараҿ. Ари аус аҿы зегь ҳанеидымгыла, алҵшәа ҟалом. Иахьа иҟоуп ашәарҭара, Аҧсны зегьы лашарада иаанхарҳәа, азгәеиҭеит Басараиа. Очамчыра араион аҿы иҟоуп қыҭақәак сынтәатәи ашықәс иалагӡан афымцалашара ахә зымшәац. Иааидкыланы , араион 120 миллион мааҭ ауал ақәуп, урҭ рахьтә 115 миллион анхацәа руал ауп.

 Ақыҭақәа рхадацәа ирызцәырҵуан еиуеиҧшымыз азҵаарақәа, афымца мҩанызго ацәаҳәақәа рҭагылазаашьа, атрансформаторқәа русушьа уҳәа. Аслан Басариа азҵаарақәа рҭак ҟаҵо, даҽазныкгьы иҳәеит урҭ русура аиҕьтәразы ауааҧсыра аҧара ршәалар шакəу . «Ақыҭаҿы шықәсык иалагӡаны илырхуа аҧара трансформаторк ахә артәом. Ахарџьқәа рацәоуп, аҳәынҭқаррахь акагьы аланагалом. Ауааҧсыра еилыркаароуп афымца аныҟамла аҧсҭазаара шыҟам, иҳәеит Басараиа.

Араион Ахада Хьрыҧс Џьопуа ақыҭақәа рнапхгаҩцәа иреиҳәеит, афымцалашаразы аҧарақәа рылгараҿы ирыду аҭакҧхықәра атәы . Зегьы еилаҳкаароуп ауал ашәара шаҭаху, иҳәеит иара Афымца лашара еиҳа ахархәара анаиуа аӡын аамҭа азы ауп, уигь харам, иара ишахәҭоу еиҧш ауааҧсыра рхы иадырхәо иҟалартә иахьа имҩаҧгатәу аусурақәа маҷым . Убри азы, ауааҧсыра инырхуа алашара ахәҧса ашәара ҭакҧхықәрала иазнеилар, афымца ахаҭабзиарагьы ҳаракхоит, ауааҧсырагьы уи рыгхом.

Фатима Гьергьиа, Ҭемыр Гогохьиа,АТ .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК