Аҵарауаҩ Шьалуа Инал-иҧа ихьӡ зху ахҧатәи аҧхьарақәа мҩаҧысраны иҟоуп Аҟәа.

09.09.2016
504

Еицырдыруа аҵарауаҩ Шьалуа Денис-ипа Инал-иҧа ихьӡ зху аҧхьарақәа рымҩаҧгаразы аиҿкааратә еилакы аилатәара мҩаҧысит. Уи иалахәыз алацәажәеит Аҧсны анҭыҵынтә аҵарауаа ааҧхьара рыҭаны, урҭ аҩаӡара ҳаракыла рымҩаҧгаразы иҟаҵатәу.

Аҵарауаҩ Шьалуа Денис-иҧа Инал-иҧа ихьӡ зху ахҧатәи аҧхьарақәа Аҟәа имҩаҧысраны иҟоуп октиабр хҧа инаркны быжьбанӡа.  Уи амҩаҧгаразы аиҿкааратә еилакы анапхгаҩы Владимир Занҭариа иазгәеиҭеит, аҧсуа науказы ишыхҭыс дуу инагоу аҵарауаа алархәны аҧхьарақәа рымҩаҧгара.  Шьалуа Инал-иҧа зымҽхак ҭбааз ҵарауаҩын - аҭоурых, аетнографиа, алитература, абызшәадырра, афольклористика уҳәа ахырхаҭақәа рыла иҭижьхьан аҭҵааратә усумҭақәа, иҳәеит Владимир Занҭариа.

Шьалуа Инал-иҧа ихьӡ зху ахҧатәи аҧхьарақәа Аҟәа аҩаӡара ҳаракы аманы имҩаҧысырц иҟаҵатәу атәы иазааҭгылеит аиҿкааратә еилакы иалоу. Аҵарауаҩ Сослан Салаҟаиа иҳәеит, уажәнатә 65-ҩык Аҧсны анҭыҵынтә аҵарауаа агәазыҳәара шаадырҧшыз аҧхьарақәа рылахәхаразы. Иара убас адырра ҟаиҵеит иаарласны хаз шәҟәны иҭыҵраны ишыҟоу Шьалуа Инал-иҧа ихьӡ зху аҩбатәи аҧхьарақәа рҿы иҟаҵаз ажәахәқәа реизга.  

Аҧсуа ҳәынҭқарратә университет аректор Алеко Гәарамиа иҳәеит, аҵарауаҩ диижьҭеи шәы-шықәса аҵра иадҳәаланы астудентцәа ишымҩаҧырго анаукатә конференциа. Шьалуа Инал-иҧа иҭоурыхтә ҭынха дазааҭгыло, инаҵшьны иазгәеиҭеит иусумҭақәа рҿы аҧыжәара шаиуаз аналитика.
Аҧсны Анаукақәа Ракадемиа ахада Зураб Џьапуа ажәалагала ҟаиҵеит, Шьалуа Инал-иҧа ихьӡ зху аҧхьарақәа ес хы-шықәса имҩаҧгалазарц, иҭыжьзарц аҵарауаҩ иҭҵаарадырратә ҭынха зегьы еидызкыло аизга ду.

Аиҿкааратә еилакы алахәылацәа иргәаладыршәон Шьалуа Инал-иҧа иҭҵаара -дырратә усура ахә харакны ишыршьоз Аҧсны иаҿагылозгьы. Зныкымкәа иусумҭақәа аныркьыпхьлак ашьҭахь, ишахылҿиаауаз аимак-аиҿак.

Арда Инал-иҧа аиҿкааратә еилакы алахәылацәа иргәалалыршәеит,  аҵарауаҩ  иҧсҭазаара даналҵ ашьҭахь, Аҧсны раҧхьатәи ахада  Владислав  Арӡынба Иусҧҟала ишыӡбаз  Шьалуа Инал-иҧа  ихьӡ амҩа ахҵара, ибаҟа аргылара, ашколқәа руак ихьӡ ахҵара.  Аха иахьа уажәраанӡа инагӡоу акы ауп - Аҟәа амҩадуқәа руак Шьалуа Инал-иҧа ихьӡ ахыуп, егьырҭ макьана ус иҟоуп.  
Амра Амҷҧҳа, Алықьса Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
63
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
57
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
55
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
45
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
66
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
94
Загрузка плеера
Алаҳәарақәеи адныҳәаларақәеи
АГТРК