Аӡхыҵра иҟанаҵаз аҧхасҭа аҧхьаӡаразы Аҟәа ақалақь ахадараҿы иаҧҵоу акомиссиа ҷыда аусура иаҿуп.

09.09.2016
787

Быжьшәы инарзынаҧшуа арзаҳалқәа шьҭоуп иахьазы, Аҟәа ақалақь ахадараҿы, аӡхыҵраан аҧхасҭа зауз рҟынтә. Аха ари ахыҧхьаӡара еиҭа иацлар алшоит. Иахьа уажәраанӡа акомиссиа ҷыда еиуеиҧшым аусурақәа мҩаҧнагоит аҧсабаратә цәырҵра иҟанаҵаз аҧхасҭа аҧхьаӡаразы.

Август алагамҭаз иҟаз аӡхыҵра ҕәҕәа ааха ду рнаҭеит ақалақьтә нхамҩеи аҭыҧантәи ауааҧсыреи. Ихыҵыз аӡы рыҵалеит хыҧхьаӡара рацәала анхацәа, аҧхасҭа ду рнаҭеит рынхарҭақәа,рыҩнымаҭәа, рыбзазаратә мыругақәа. Аҧсабаратә цәырҵра ахҟьаҧҟьақәа рымҽхак даара иҭбаауп. Уи иҟанаҵаз  аҧхасҭа аҧхьаӡаразы Аҟәа ақалақь ахадараҿы иаҧҵан иҷыдоу акомиссиа. Уи анапхгаҩы Леон Кәарҷиа иажәақәа рыла, иахьагьы аӡы зҵалаз ауааҧсыра иааргоит арзаҳалқәа ироуз аҧхасҭа арбаны, иахьазы быжьшәы инарзынаҧшуа арзаҳалқəа алаҵоуп. Дара зегьы аус рыдулан аминистрцәа реилазаарахь ирышьҭуеит.

Аӡхыҵра амҽхак ахьыҭбаау аҟнытә, ақалақь ахадара иамам алшара, уи зегь арҽеира, ауааҧсыра ацхыраара рыҭара. Убри аан иҧхьаӡоуп, ақалақьтә нхамҩа ҧшьышә миллион мааҭ рҟынӡа аҧхасҭа шаҭоу. Жәеиза миллион мааҭ аҧара ныхуп аӡхыҵра ахҟьа-ҧҟьа аҧыхразы.  Ақалақь акоммуналтә усбараҭа иамаз алшарала, ҭыҧқәак рҿы ирыцқьоуп аӡиасқәа рышьҭра, еилкаауп уи шазымхо, имҩаҧгатәуп зымҽхак ҭбаау аусурақәа, аӡы аанызкыло аҭыӡқәа рыргыларазы, аӡиасқәа ррыцқьареи рырҵаулареи рзы, аха ус еиҧш алшара ақалақь ахала иалшом.

Ақалақь ахадара ишьақәдыргылеит имҩаҧгатәу аусурақәа зегьы рыплан, аӡхыҵра аҧхасҭа аҧыхрази ус еиҧш ҳаҧхьаҟа иҟамларцази. Уи ашәҟәы шьҭуп ҳтәыла анапхгарахь .

Ақалақь ахадара имҩаҧыргоит аиҿцәажәарақәа анаплак дуқәеи дареи. Зымҽхак ҭбаау Аусурақәа рыҟаҵаразы ацхыраара рырҭартә еиҧш. Иахьазы ус еиҧш аиҿцәажәарақәа цоит Адыгаа рымҩаду иахьаҵанакуа аҭыҧаҿ аӡиас арҵаулараеи, арыцқьареи рзы. Иақәгәыҕуеит, урҭ аусурақәа иаарласны имҩаҧгахап ҳәа , азгәаиҭеит Леон Кәарҷиа. Аҳәара ҟаиҵоит аӡхыҵра аҧырхага знаҭаз ауааҧсыра ачҳара аадырҧшырцаз.

Альбина Жьиҧҳа, Саид Агәхаа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php