Ақыҭанхамҩа аминистр Даур Ҭарба дырҭааит ареспублика араионқәа.

13.09.2016
777

Аҧсны ақыҭанхамҩа арҿиара азҵаара аӡбара ихадоу аусурақәа ируакуп. Иҳаҩсыз амчыбжь азы ақыҭанхамҩа аминистр Даур Ҭарба араионқәа зегьы дырҭааит аҭагылазаашьа зеиҧшроу ашьақәргыларазы.

Аминистрреи Гәдоуҭа араион ақыҭанхамҩа аусбарҭеи рхаҭарнакцәа раҧхьа имҩахыҵит Аацы ақыҭан иҟоу Аҧсны Анаукақәа Ракадемиа иатәу анаплакы «Ҳара ҳбаҳча» ашҟа. Иазгәаҭатәуп, ари анхамҩа ареспубликаҿ иреиҕьӡоу рхыҧхьаӡараҿ ишыҟоу . Араҟа ирааӡоит ашәыр Киви, иара убас уаҩы ибла аргәырҕьо иҟоуп аҵәаҭра. Анхамҩа аиҳабы Џьота Аиба ишиҳәаз ала, гектарк аҟнытә иҿырхуеит ҩынҩажәа тонна зҭаҭабзиара даара иҳаракыу , убри инамаданы, зыҭира мариоу аҵәа. Анаплакы аиҳабы аминистр иахь аҳәара ҟаиҵеит, атехника ҷыдеи насгьы зхаҭабзиара ҳаракуа арҵәыгақәеи, егьырҭ ахимиатә маҭәашьарқәеи Аҧсны анҭыҵынтә раагаразы ацхыраара ҟарҵарц. Иара игәаанагарала, иахьа Аҧсныҟа иаарго арҭ амаҭәашьарқәа рхаҭабзиара дара илаҟәуп.

 Ақыҭанхамҩа аминистр Даур Ҭарба иҳәеит, аҳәынҭқарра аганахьала ацхыраара шыҟарҵо ари апроблема аӡбараз. Ақыҭанхамҩа аминистр уи аҽны дыҟан иара убас, Гәдоуҭатәи амашьына- технологиатә станциа аҟны. Иазгәаҭатәуп, ари анаплакы иахьа ареспубликаҿ иреиҕьӡоу ишыруаку.Уи аиҳабы Лаврент Сақаниа аминистр агәра ииргеит, иаҭахыу азапастә хәҭақәеи, иара убас атехника ҿыци раагаразы аҳәынҭқарра аганахь ала ацхыраара шыҟарҵо. Гәдоуҭа араион Хыҧсҭа ақыҭан иҟоу ауҭраҭых ааӡарҭатә комплекс аҟны иаадрыхуа аалыҵ ахархәаҩцәа рҟны ҳаҭыр ақәуп. Абраҟа иаадрыхуа анашеи апамидори акурорттә сезон аан џьабаа дук мбаӡакуа ирҭиуеит Гәдоуҭеи Гагреи, иара убас Пицундеи.

Уажәгьы араҟа аҟалара иаҿуп зыӡбахә ҳҳәаз арҭ ауҭраҭыхқәа. Иаарласны ргәы иҭоуп акапусҭа аиҭаҳара. Ҳазну ашықәс азы Гәдоуҭа араион аҟны аус рыдулоуп 76 гектар ачаитә плантациақәа. Лыхны ақыҭан иҟоу ачаи фабрика ахь аминистр данымҩахыҵыз ари анаплакы аиҳабы Вадим Аиба иҳәеит, ацхыраара анроу шә- гектарк иназынаҧшуа ачаитә плантациақәа араион аҟны реиқәырхара шалыршахо. Иара иҳәеит, аҭыҧантәи аалыҵ ахаҭабзиара ҳаракны рҭыжьра аналыршаха, Аҧсны инхои, уи иаҭаауа асасцәеи гәахәарыла ишаархәо. Акомплекстә план инақәршәаны, ақыҭақәа Лыхныи Дәрыҧшьи рҳәаа аҟны еиҭаҳауп х- гектарк иназынаҧшуа аӡахәа. Уи иахылаҧшуа Даур Ҳалуашьи Алхас Кәарацхьелиеи ражәақәа рыла, аӡахәа Аҧсны ааӡара аперспектива бзиа амоуп. Ҷыдала уи азы иршаҳаҭгоуп Дәрыҧшь ақыҭан иҟоу Даур Ҳалуашь иқәаҵа. Араҟа иара ибзоурала иҿырхуа ажь ахаҭабзиара дара иҳаракуп. Уи Европатәи астандартқәа ирықәшәоит. Иара убас абарҭ астандартқәа ирықәшәоит абраҟа иҟоу аҩы ахьҭарҭәо аҩцарагьы. Даур Ҳалуашь ишиҳәаз ала, араҟа иҭарҭәо «Симон иашҭа» захьӡу аҩы аҭира џьабаа дук аҭахым ахархәаҩцәа рҟны ҳаҭыр ақәуп.

 Е.Арџьениа, А. Џьениа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК