Акурорттə сезон алыҵшəақəа еихшьалоуп.

13.09.2016
786

Сынтәа аҧхынра  аамҭа  иалагӡаны,  Аҧсны   ныҟәара   иаҭааит,  мамзаргьы рыҧсы  ршьеит   миллионки ҩышәҩык  инарыцны. Ари ахыҧхьаӡара    жәохә процент рыла еиҳауп ҩ- нызқьи жәохә шықәса рзтәи   акурорттә  аамҭа   азы  аасҭа. Абри атәы иҳәеит  акурортқәеи атуризми  рзы  аминистр   Авҭандил Гарцкиа.  

Акурортә аамҭа ахыркәшарахь инеиуеит. Ҳреспубликахь  ҧсшьара иаауа  рхыҧхьаӡара   уажәшьҭа   маҷк   еиҵазаргьы, макьанагьы Аҧсны зыҧсшьара зхызго аҧсшьаҩцәеи,  атуристцәеи  ыҟоуп. Аҧсшьара   аамҭа аилашыкьымҭа шьҭахьҟа иаанхеит, аха иазгәаҭатәуп ,август мза азы   аасҭа   сентиабр  азы  аҧсшьаҩцәа рхыҧхьаӡара ишацлаз. Абри атәы иҳәеит  акурортқәеи атуризми рзы аминистр Авҭандил Гарцкиа. Иазгәеиҭеит,  сынтәатәи акурортә аамҭа амҩасшьа ибзиоуп ҳәа дшахәаҧшуа. Иара иажәақәа рыла, миллионки ҩышәҩык ауааҧсыра рҟынӡа  сынтәа  Аҧсны рыҧсы   ршьеит. Уахь иалоуп мышкы иадымхаргьы арахь иааз.

Аҧсшьаҩцәа еиҳарак изҭаауа ҭыҧқәаны ишыҟац иаанхоит  Риҵатәи амилаҭтә ҳәырҧсарра,  иара убас Афон Ҿыцтәи аҳаҧы. Угәы иамыхәар залшом, ҳтәыла мрагыларатәи араион иаҭаауаз аҧсшьаҩцәа рхыҧхьаӡарагьы шмаҷмыз.   Сынтәа иалыршахеит иҿыцу ахырхарҭақәа рыла аныҟәарақәа  реиҿкаара.
Убри аан аҧсшьаҩцәа аамҭалатәи рынхарҭазы иалырхуа раионқәоуп Гагреи Пицундеи.  Сынтәа аиҭашьақәыргылара ашьҭахь, ҿыц  иаартын аҧсшьарҭатә комплекс Пицунда иаҵанакуа   аҧсшьарҭа  ахыбрақәа  ҧшьба. Зқьы инареиҳаны ауадақәа ҟаҵоуп иахьатәи аамҭа иақәшәо, уи аҧсшьаҩцәа ргәы иамыхәар залшом.  Иара убас, сынтәа ҳреспубликаҿы  Пицунда  раҧхьаӡа акәны  иаартын  адельфинӡҭарчы. Ес-ҽны хыҧхьаӡара рацәала аҧсшьаҩцәеи ҳтәыла ауааҧсыреи ирымоуп алшара гәахәарыла уаҟа  раамҭа рхыргартә еиҧш.

Акурорти атуризми рзы аминистр ишазгәеиҭаз ала,  сынтәа ирацәаҩын зхатә  автотранспорт ала  ҧсшьараҳәа ҳреспублика иаҭааз. Уи ауадаҩрақәа анцәырнагоз  ыҟан  Аҧсныи Урыстәылеи рҳәаа  ианахысуаз. Аминистр убасгьы иҳәеит,  аҩнытә  ҧстәқәа  амҩадуқәеи, акрыфарҭақәеи,  асасааирҭақәеи   рзааигәара   рыҟазаара   аҧсшьаҩцәа  агәынамӡара  шрызцәырнагоз. Арҭ  азҵаарақәа рҭыҧ иқәҵатәуп  ҳаҧхьаҟа.  Избанзар,  Аҧсны  аҧсшьаҩцәеи, аныҟәаҩцәеи радыҧхьалара    ареспубликатә биуџьет    ахарҭәааразы   аҭагылазаашьа   бзиа    аҧнаҵоит.

Альбина Жьиҧҳа, Ельдар Дамиров,АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12 Ииуль 2018
76
Аҭыжьымҭаҿы:Цәыббра 30, Аиааира Ахьыҧшымреи ирымшхеит. Жәлар Реизара адепутатцәа реилатәара аҿынтә анҵамҭа
12 Ииуль 2018
111
Ҧхынгәы мза ҧшьба рзы излагаз адкылара хыркәшахоит ҳазҭоу амза жәиҧшь рзы.
12 Ииуль 2018
83
Уи инамаданы, Аҧсны иҟоу Урыстәыла ацҳаражәҳәарҭа иалнакаауеит шықәсы рацәала еицынхо аҧсуа ҭаацәарақәа.
12 Ииуль 2018
78
Анаҩс , урҭ аусурақәа рымҩаҧгаразы атәыла анапхгарагьы ацхыраара рырҭеит.
12 Ииуль 2018
88
Адепутатцәа еицҿакны ахақәиҭреи ахьыҧшымреи рзы азакуан апроект адгылара арҭеит.
11 Ииуль 2018
34
Анҵамҭаҿы:Имҩаҧысит Аҧсныи Урыстәылеи жәларбжьаратәи атранспорт еиҭанеиааиразы акомиссиа алахәылацәа реилатәара.
11 Ииуль 2018
48
Ари аиубилеитә рыцхә уи аусзуҩцәа ишазгәарҭо анҵамҭаҿы.
Загрузка плеера
Алаҳәарақәеи адныҳәаларақәеи
АГТРК