Аҧсны Аҧыза-министр Беслан Барцыц Гагра аилацәажәара мҩаҧигеит .

14.09.2016
755

Аҧсны Аҧыза-министр Беслан Барцыц Гагра аилацәажәара мҩаҧигеит араион аҟны аинвестициатә программа анагӡашьа азы. Аилацәажәара убасгьы иалахәын Аҧыза-министр ихаҭыҧуаҩ Беслан Ешба, аҳәынҭқарратә еилакқәа рнапхгаҩцәа.

Гагра араион аҟны аинвестициа ахархәара азухароуп амҩадуқәеи, аӡымҩангагақәеи, афымцанхамҩеи, аҩныеихагылақәеи реиҭашьақәыргыларазы. Аҧыза-министр Беслан Барцыц имҩаҧигаз аилацәажәара азкын, иазыҧхьагәаҭаз аусмҩаҧгатәқәа рҟынтә сынтәа зынагӡара иахьӡои ҽаанахьы ииасуеи ртәы. Иааидкыланы, 2016 шықәсазы Гагра араион аҿы аиҭашьақәыргыларатә усқәа ирзоужьын 500 миллион мааҭ.  Аилацәажәараҿы иазгәаҭан араион аҿы акурортә аамҭа аҧырхагамхаразы амҩадуқәеи аӡымҩангагақәеи рышьҭаҵара зны ишаанкылаз. Акапиталтә ргылара аусбарҭа аиҳабы ихаҭыҧуаҩ Асҭамыр Џьыкырба иҳәеит, ашықәс нҵәаанӡа планла ирзарбоу шынырыгӡоу. Аҳәынҭқарратә еилакы «Амшынеиқәафымцамч» анапхгаҩы Аслан Басариа дазааҭгылеит, Гагра араион аҿы афымцанхамҩа арҿыцразы иҟарҵахьоу атәы. Еиҧҟьарада афымца ҟаларц азы, шьаҭанкыла иҧсахтәуп афымцеихшарҭақәеи ацәаҳәақәеи. Аслан Басариа аҧыза-министр агәра ииргеит, аинвестициатә программала араион азы иарбоу 231 миллион мааҭ феидала ишныххо, аҭыҧантәи ауааҧсыреи хыҧхьаӡара рацәала иаауа аҧсшьаҩцәеи рынхашьа аҭагылазаашьеи рырманшәаларазы.

Аилацәажәара иалахәыз Аҧсны Жәлар Реизара адепутат Ҭемыр Гәлиа дҵааит, уаанӡа ишҳәаз еиҧш, аинвестициатә программала 2017 шықәсазы ҿыц идыргыларц ргәы иҭоу аҧсуа школ аҿы аусурақәа ианбарылаго ҳәо, ашықәс алагамҭаз мамзаргьы анҵәамҭазы акəу? Асҭамыр Џьыкырба иажәақәа рыла, апроект хиоуп, ари ашықәс анҵәамҭазы ишьақәырҕәҕәахоит, ҽааны ианвар мза  инаркны Урыстәылатәи афинанстә цхыраара шыҟарҵалак, аусурақәа ирылагоит ашкол аҿы.

Аҩнеихагылақәа рҿы алифтқәа рықәыргылара азыҧхьагәаҭан аинвестициатә программала, убригьы анагӡара иахьӡоит ашықәс нҵәаанӡа. Изхьымӡаз иреиуахеит аҩнеихагылақәа рыҩнаҵаҟақәа реиҭашьақәыргылара. Урҭ ауснагӡатәқәа ҽаанахьы ииагахоит.

Гагра араион ахада Заур Бганба иҳәеит, аинвестициа ахархәарала аҳәынҭқарра инанагӡо аиҭашьақәыргыларақәа хра злоу ракəны ишыҟоу ауааҧсыра рзы.
Аилацәажәараҿы аҧыза-министр инаҵшьны иазгәеиҭеит, ҧхьаҟагьы ацхыраара ҟаларц азы ишхымҧадатәиу зеиҭашьақәыргылара аҭаху ахыбрақәа рсиа ишацҵатәу, ишыҟаҵатәу апроектқәа ирықәхарџьтәу аҧара азы алкаақәа.

Аилацәажәара хыркәашо, аҧыза-министр ргәырҽаниҵеит аиҭашьақәыргылара знапу иану анапхгаҩцәа русура хаҭала дшахылаҧшуа азы, дара  рнапы иану зегьы ирҳәаз аамҭа иҭагӡаны инарыгӡароуп.

Амра Амҷҧҳа, Беслан Џьынџьал, АТ .



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
4
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
4
Арҭ ашықәсқәа рыҩныҵҟа, ишҧаҿиоз аекономика аминистрра , иарбан проектқәоу зеиҿкаара алыршахаз? 
4
Ҧхынҷқәын мза 13,1988 ш.рзы Аҧсуа ҳәынҭқаррратә филармониҿы имҩаҧысит «Аидгылара» раҧхьаӡатәи аҧҵаратә еизара ду.
Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
Алаҳәарақәеи адныҳәаларақәеи
АГТРК