«Урыстәылаусеицура» иатәу ахыбраҟны имҩаҧысит Урыстәыла Аҳәынҭқарратә Думахь алхрақәа рылацәажәара иазку "алхыҩцәа рыклубаҿы" аиҧылара.

14.09.2016
776

«Урыстәылаусеицура» иатәу ахыбраҟны имҩаҧысит Урыстәыла аҳәынҭқарратә Думахь алхрақәа рылацәажәара иазку алхыҩцәа рыклубаҿы аиҧылара. Аклуб иалахəуп аполитикцәа, ауаажәларратә усзуҩцәа, иара убас еиуеиҧшым ауаажәларратә еиҿкаарақәа рхаҭарнакцәа. Урыстәыла имҩаҧысраны иҟоу Аҳәынҭқарратә Думахь алхрақәа инарымаданы, Аҧсны иаҧҵан ауаажәларратәи , аполитикатәи усзуҩцәа злахәу алхыҩцәа рыклуб. Аклуб алахәылацәа Урыстәылаусеицураҿы лассы-лассы имҩаҧыргалоит аиҧыларақәа. Иахьатәи аиҧылара рхы аладырхәит Аҧсны аҧыза – министр ихаҭыҧуаҩ Беслан Ешбеи , Аҧсны иҟоу Урыстәыла ацҳаражәҳәаҩ Семион Григориеви, Ареспубликатә политикатә партиа «Иаку Аҧсны» ахантәаҩы Сергеи Шамба. Ари аиҧылара хықәкы хадас иамоуп, Урыстәыла атәылауаҩ ишәҟәы змоу Аҧсны ауааҧсыра алхрақәа рзы ииашоу аинформациа рызнагара, иара убасгьы ауааҧсыра алхрақәа рахь рааҧхьара. Аиҧылара иалахәыз рылацәажәон алхрақәа реиҿкаара аус аҿы ицәырҵуа азҵаарақәа. Иара убас иазгәарҭеит, зыҿҳәара ахыҧахьоу апаспортқәа змоу ауааҧсыра абжьыҭаразы алшара шырмоуа. Ишаадыруа еиҧш, Аҧсны еиуеиҧшым араионқәа рҿы иаартхоит абжьыҭаратә ҭыҧқәа жәба, аха урҭ рхыҧхьаӡараҿы иҟаӡам Гәылрыҧшь араион, ари еизаз маҷк агәынамӡара рызцәырнагеит, избанзар араҟагьы инхоит Урыстәыла атәылауаҩра змоу ауаа маҷҩымкәа, урҭгьы ирзаҧҵазароуп рыбжьы рҭиирц азы иахәҭоу аҭагылазаашьақәа. Абри азҵаара далацәажәо, Аҧыза – министр ихаҭыҧуаҩ Беслан Ешба иазгәеиҭеит, Гәылрыҧшь араион ауааҧсыра абжьыҭаратә ҭыҧахь рнагаразы транспортла ишеиқәыршәахо. Аҧсны ауааҧсыра активла Урыстәыла Аҳәынҭқарратә Думахь алхрақәа рхы рыладырхәыр, урҭ рыбжьқәа ҩба – ҧшьба процент артәоит, иааидкыланы зыбжьы зҭиуа рхыҧхьаӡара иаҿурҧшуазар. Н.Ақаҩба, Р. Ломиа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
11
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
5
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
35
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК