Аҧсны амазара анаҧхгараҭареи ахатәтәреи рзы аҳәынҭқарратә еилак аҿы имҩаҧысит аусуратә еилацәажәара.

14.09.2016
750

Аҧсны амазара анаҧхгараҭареи ахатәтәреи рзы аҳәынҭқарратә еилак аҿы имҩаҧысит аусуратә еилацәажәара. Уи иалахәын аилак араионтә ҟәшақәа рнапхгаҩцәа. Иазааҭгылеит русураҿы ицәырҵуа азҵаарақәа рыӡбашьа.

Ари  аилатәара   зегь раҧхьа иргылан аибадырратә ҟазшьа аман. Уи иалахәын араионқәа зегь рҟынтә аусбарҭақәа  рнапхгаҩцәа. Аҧсны амазара анаҧхгараҭареи ахатәтәреи рзы аҳәынҭқарратә еилакы ахантәаҩы Вахтанг Ҧиҧиа иҳәеит, ас еиҧш аусуратә еилацәажәарақәа лассы-лассы ишымҩаҧгахало. Хықәкысгьы  ишамоу  аусураҿы ицәырҵуа азҵаарақәа зегь еицҿакны  рыӡбара.

Аилатәараҿы раҧхьа иззаҭгылаз зҵааран Аминистрцәа Реилазаара ҩнызқьи ҩба шықәса рҿы иаднакылаз шәи жәибыжьтәи ақәҵара аҧсахра алагалара. Уи атәы далацәажәеит аилак ареестртә ҟәша аиҳабы Лутфиа Ҟолбаиа. Лара лажәақәа рыла, аҳәынҭқарратә мазараҿы иарбоу ахыбрақәа  рсиа ажәит. Уи  аиҭарҿыцра  аамҭа  маҷымкəа   иаҭахыуп. Араионтә усбарҭақәа рнапхгаҩцәа  адҵа  рыҭан,   сынтәатәи  ашықәс нҵәаанӡа,   асиа ҿыцқәа рышьақәргыларазы. Анаҩс  иӡбан,  уи азы  ақәҵара апроект аминистрцәа реилазаарахь анашьҭразы.

Ҳәарада, аҳәынҭқарра  иатәу  ахыбрақәа  зегьы рзы ишахәҭоу ашәҟәқәа реиқәыршәара иацуп ауадаҩрақәа. Араионтә усбараҭақәа русзуҩцәа ирызцәырҵит еиуеиҧшым азҵаарақәа, аха рҿаҧхьа иқәгылоу адҵа шынарыгӡо атәы рҳәеит. Аилатәараҿы иалацәажәан аҳәынҭқарратә хыбрақәа релектронтә база   нагӡаны   аҟаҵара   шхымҧадатәу. Аинвесторцәа  анрыдҵаало   аамҭазы   иахәҭоу  ашәҟәқәа      еиқәшәаны    иҟазарц  азы.

Аилатәараҿы ирылацәажәан егьырҭ азҵаарақәагьы.

Альбина Жьиҧҳа. Ҭемыр Гогохьиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
9
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК