Фазиль Искандер игәаларшәара иазкыз ахәылҧаз мҩаҧган Дырмит Гәлиа илитература-мемориалтә музеи аҟны.

14.09.2016
550

Еицырдыруа ашәҟәыҩҩы Фазиль Искандер игәаларшәара иазкыз ахәылҧаз мҩаҧган Дырмит Гәлиа илитература-мемориалтә музеи аҟны. Иара иалахәын ашәҟәыҩҩцәа, аҵарауаа, алитература абзиабаҩцәа.

Фазиль Искандер игәаларшәара иазкыз аиҧылара, Дырмит Гәлиа имузеи аҿы амҩаҧгара машәыршақә иҟамлеит. Иара ари аҩнаҭа акырынтә даҭаахьан, аҧшәмацәагьы гәыблыла изыҟан, убри азы иҳаӡбеит ашәҟәыҩҩ ду игәаларшәара иазку ахəылҧаз амузеи ахыбраҿы амҩаҧгара, аҳәа азгәалҭеит аҩны-амузеи аиҳабы Светлана Қорсаиа .

Фазиль Искандер игәалашәара аҳаҭыр азы амузеи аҩналарҭаҿы еиҿкаан ацәыргақәҵа маҷ, уаҟа иқәыргылан Адунеитә литература азҟаза , абаҩхатәра ду злаз ашәҟәыҩҩы ифотосахьақәеи, ирҿиамҭақәеи. Фазиль Искандер адунеитә литература аҭоурых ианымҵӡо ишьҭа аниҵеит, ҳара иаҳуалуп, уи ихьӡ акамыршәра, еснагь агәаларшәара, ҳәа азгәарҭон ахәылҧаз аҟны. Фазиль Искандер игәаларшәаразы еиҿкааз аиҧылара зхы алазырхәыз ирҳәон, иара ирҿиамҭақәа ирылхны иҭырххьоу афильмқәа шмаҷым, уи иҩымҭақәа зегьы шыхшыҩрҵагоу, иара иҳәамҭақәа шымҩақәҵагоу . 

Акультуреи аҭоурыхтә культуратә ҭынхеи рминистр Ельвира Арсалиа иазгәалҭеит, иаарласны аҧсуа хәаҧшцәа иддырбараны ишыҟоу ашәҟәыҩҩ иҩымҭа иалхны иҭыхыз афильм «Софичка» аҧсышәала. Ашәҟәыҩҩы изкны ажәа аҳәара уадаҩуп, аҧсуа жәлар рзы иара иалкаау аҭыҧ ааникылоит, уи еснагь ҳгәалашәараҿы дыҟазаауеит, ҳәа азгәалҭеит Ельвира Арсалиа. 

Ахәылҧаз иалахәыз ирҳәон, ашәарҭара шыҟоу шықәсқәак рышьҭахь еиҵагыло аҿар Фазиль Искандер иҩымҭақәа ирызхьамҧшуа иалагоит ҳәа. Аҧсуа жәлар рыхьӡ адунеи иахьызыгӡаз ари аҟаза ду иџьынџьуаа дырхамышҭроуп, егьа шықәсқәа царгьы, ҳәа азгәарҭон ицәажәоз. «Аламыс зцым ахшыҩ Ҟәышӡам, аха аламыс хшыҩдагьы иҟәышуп,»- абас иҳәон Фазиль Искандер. 

Фатима Гьергьиа, Беслан Чхьынџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
101
17 Ианвар 2018
103
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
91
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
87
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
77
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
100
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
130
Загрузка плеера
Алаҳәарақәеи адныҳәаларақәеи
АГТРК