Аҧсны Аҧыза-министр Беслан Барцыц ихантәаҩрала имҩаҧысит Аиҳабыра Реилатәара.

15.09.2016
856

Аҧсны Аҧыза-министр Беслан Барцыц ихантәаҩрала имҩаҧысит Аиҳабыра Реилатәара. Излацәажәоз азҵаарақәа рхыҧхьаӡараҿы иҟан ахə змоу аихеи ахаҳәқәеи аус рыдулареи, иара убасгьы аҭаҭын аалыҵқәеи, ауараши, арыжәтә џьбарақәа рыҭиреи рзы аршаҳаҭгақәа рыҭаразы аҧҟара ашьақәыргылара.
Аминистрцәа убасгьы ақәҵара рыдыркылеит Очамчыра амшынтә баҕәаза ахатә мал ахәҭак араион ахадара рнапаҵаҟахьы аиагаразы.

Аиҳабыра реилатәараҿы изхәаҧшуаз азҵаарақәа жәаба шракәызгьы, дара ирыҵакуаз маҷмызт. Убри азы ауп Аҧыза-министр Беслан Барцыц аилатәара аартуа, аминистрцәа аусуратә гәалаҟазаара ашҟа ииасырц зрабжьаигаз.

Аиҳабыра реилатәараҿы иалацәажәаны ишьақәдырҕәҕәеит ахə змоу аихеи ахаҳәқәеи аус рыдуларазы аршаҳаҭга рыҭара аҧҟара ҿыц. Иара иалнакаауеит ари аусхк знапы алакыу уснагӡатәқәас рҿаҧхьа ишьҭоу.

Аҭаҭын аалыҵқәеи ауараши, арыжәтә џьбарақәеи рыҭира азин азы аршаҳаҭга рыҭара аҧҟара ҿыц иалацәажәаны ибзиоуп ҳәа ахырҳәааит аминистрцәа.   Аиҳабыра реилатәараҿы убасгьы иақәшаҳаҭхеит ахатәы ветеринартә усбарҭа аусура азин аҭара. Уи аусзуҩцәа напынҵас ирымоу аҧстәқәа рыхәшәтәра еиҧш, излархәышәтәуа ахәшәқәа рыҟаҵарагьы.

Амҳәырқәа рыҟаҵаразы аршаҳаҭга аиуразы аиҳабыра реилазаара уаанӡатәи ақәҵара аҧсахрақәа аларгалеит.  Ишьақәдырҕәҕәеит афымцанхамҩа ахылаҧшразы аҧҟара. Иара убасгьы, афымцанхамҩа азы акомиссиа шьҭарнахыс Аҧыза-министр ихаҭыҧуаҩ Беслан Ешба напхгара шазиуа ала Ақәҵара рыдыркылеит. Очамчыра араион ахада  Аҧсны ахада ишҟа иҩыз ашәҟәы анаҩс, Рауль Ҳаџьымба аиҳабыра  реилазаарахь инаишьҭит Очамчыратәи амшын баҕәаза ахатә мал ахәҭак араион ахадара рбаланс ашҟа  аиагаразы . Уахь иаҵанакуеит анхарҭаҩнқәеи егьырҭ ахыбрақәеи. Аминистрцәа ари ажәалагала иақәшаҳаҭхеит. Убри аан,  Аҧыза-министр ихаҭыҧуаҩ, аҩныҵҟатәи аусқәа рминистр Аслан Кобахьиа иазгәеиҭеит, Аҧснытәи аихамҩа аусбарҭа иатәу анхарҭа ҩнқәагьы ақалақь ахадара рнапаҵаҟахь аиагара ахәҭоуп ҳәа ишиҧхьаӡо. Избанзар,  анаплакы иалшом агәам ақәгара, анхарҭа ҩнқәа акы рыгхар рыҟаҵара. Аҧыза-министр Беслан Барцыц иҳәеит, ас еиҧш иҟоу азҵараақәа рыӡбара аамҭа шааиз.  Аусбарҭа бжьаратә интересқәа ракәымкәа ауаа ринтересқәа роуп ҳзызхәыцша иҳәеит Беслан Барцыц. Анапынҵагьы ҟаиҵеит, арҭ азҵаарақәа рҭыҧ рықәҵаразы аусутә комиссиа аҧҵазарц аиҳабыра реилазаараҿы.

Аминистрцәа реилатәараҿы убасгьы азин ҟаҵан Очамчыра араион Мыркәыла ақыҭан ӡырҧхала ирааӡо ауҭраҭыхҭра аргылара.Аекономика аминистр Адгәыр Арӡынба иҳәеит, иара аҟаҵаразы аинвесторцәа ҩ-миллионк евро инареиҳаны ишнырхуа. Аусурҭа роуеит 50-ҩык . Шықәсык абиуџьет ашәахтә аҳасабала иахыҧхьаӡалахоит ҩ-миллион мааҭ инарыцны. Аиҳабыра ари аус ибзиоуп ҳәа ахҳәааны, Ақәҵара рыдыркылеит. Аминистрцәа реилазаара аилатәараҿы, Аҟәа араион аҟны аӡрыжәтә аҵхразы анаплак маҷ аусура алагара азин ҟарҵеит.

Даур Инаҧшьба, Алықьса Агәхаа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
45
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК