Тҟəарчал араион Ацхыда аҳаблаҟны аиҭашьақəыргыларатə усурақəа мҩаҧысуеит.

15.09.2016
742

Тҟәарчал ақалақьи араион ақыҭақәеи рҟны иӡбатәу асоциалтә зҵаарақәа маҷым. Урҭ рхыҧхьаӡараҿы амҩадуқәеи аӡымҩангагақәеи реиҭашьақәыргылара.  Аҧсны ахада Рауль Ҳаџьымба идҵаҟаҵара инақәыршәаны, арҭ аусқәа рыхәҭак  рынагӡара иазоужьуп аҧара.

Шьаликәа Ҷкадуа  Ацхыда аҳаблаҿ  дынхоижьҭеи акрааҵуеит. Иара иҳәоит, ари аҳаблаҿы аибашьра ашьҭахь еснагь аӡы апроблема шрымаз. Ацхыда инхо ауааҧсыра рыхәҭак аӡы рымазҭгьы, ҭыӡқәак зынӡа ӡыда иҟан, убри аҟнытә аӡыхьқәа рҟынтәи аӡы ааргалар акәын.

Аҧсны Ахада Рауль Ҳаџьымба иҟаиҵаз афинанстә цхыраара иабзоураны, Ацхыда аҳаблан аӡымҩангагатә цәаҳәақәа реиҭашьақәыргыларатә усурақәа хацыркуп. Аҭыҧ аҿы аусурақәа мҩаҧызго «Тҟәарчалргылара» аусбарҭа аиҳабы ихаҭыҧуаҩ Анатоли Ҵәыџьба иажәақәа рыла, иаарласны аусурақәа хыркәшахоит, анаҩс  аҳаблаҿы жә -ҭӡык аӡы роуа иҟалоит.

Ацхыда аҳаблаҿ иара убас иаҿуп амҩа аиҭашьақәыргылара. Ижәбо амҩа ацхыраара амамижьҭеи акрааҵуан. Уи иахҟьаны ,ара инхо ауааҧсыра рныҟәара ауадаҩра ацын.
Ара инхо ауааҧсыра ракәзар ирҳәоит, амҩаду аҭагылазаашьа ахьыуадаҩыз автотранспорт аныҟәара  акыр ишаҧырхагаз атәы.

«ТҞәарчалргылара» аусбарҭа аиҳабы ихаҭыҧуаҩ Анатоли Ҵәыџьба иажәақәа рыла, Ацхыда аҳаблаҿы имҩаҧысуа аиҭашьақәыргыларатә усурақәа амш ирнаҭар иаарласны ихыркәшахоит.

АСМАҬ ШЬАКАИА, САИД АГӘХАА,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииуль 2018
49
Аҭыжьымҭаҿы:Атракторқәа ҩынҩажәи жәибыжьи, урҭ ирыцу шәи ҩажәи жәаф мыругақәеи Урыстәыла аиҳабыра Аҧсныҟа иаарышьҭит.
20 Ииуль 2018
54
Иара Аҧсны аҭоурых- культуратә ҭынхақәа ирхыҧхьаӡалан.
20 Ииуль 2018
55
Уажәы уаҟа аиҭашьақыргыларатә усурақәа ирҿуп.
20 Ииуль 2018
33
Урҭ рхыҧхьаӡараҿы:: атракторқәа 57, урҭ ирыцу ацәаҕәагақәеи, ачалтқәеи, амармалташьтә пты ашьразы ахәшә зҭарҭәо амыругақәа 17
19 Ииуль 2018
41
Загрузка плеера
Алаҳәарақәеи адныҳәаларақәеи
АГТРК