Агазеҭ «Республика Абхазия» акьыҧхь абеижьҭеи 25 шықәса ҵуеит.

15.09.2016
577

Ҩажәи хәба шықәса раҧхьа агазеҭ «Советская Абхазия» ахьӡ ҧсахын «Республика Абхазия» ҳәа. Уи азы аӡбамҭа идикылеит Аҧсны Иреиҳаӡоу  Асовет ахантәаҩы Владислав Арӡынба.

Заира Ҵәыџь-ҧҳа ажурналистика  дазҿлымҳан   ашкол данҭаз   инаркны. Иааидкыланы акьыҧхь аҿы дыҟоуп ҩынҩажәи фба шықәса инарыцны. Агазеҭ «Республика Абхазия» уажәшьҭа илызгәакьоу ак акәны иҟалеит. Лыҧсҭазаара аиҳарак иара иадҳәалоуп.

Аҧсны  Раҧхьатәи  Ахада Владислав  Арӡынба  иабжьгарала   агазеҭ “Советская Абхазиа ахьӡ  ҧсахын    «Республика  Абхазиа»  ҳәа. Ахьӡ «Республика Абхазия» усҟантәи аамҭазы иҿыцын. Иара азы   ауаажәларра рыбжьара агәаанагарақәа рҽеиҩыршеит. Аҧсуаа уи еигәырҕьон,  ргәыҕрақәагьы адырҳәалон. Аха ақырҭқәа  аҿагылара ҟарымҵар  ауазма.  Аурыс  нбанқәа   рыла    агазеҭ  зкьыҧхьуаз     атипографиа аусзуҩцәа- ақырҭқәа  русура  мап  ацәыркит.  Убри анаҩсгьы  агазеҭ  аредактор хадас Витали Чамагәуа дахьарҭаз  агәынамӡара аадырҧшуан.  Убас  шакәзгьы,  « Республика  Абхазия» аҭыҵра иалагеит.

Агазеҭ раҧхьатәи аҭыжьымҭа кьыҧхьын сентаибр аҽеиҩшамҭа,  зқьи жәшәи ҧшьынҩажәи жәеиза шықәса рзы.

Аибашьра ашықәсқәа раан    акыр ишыуадаҩызгьы,   агазеҭ ҭыҵуан Гәдоуҭатәи атипографиаҿы. Имшәа-имырҳа ажурналистцәа   аибашьра аан, агазеҭ    адаҟьақәа  еиқәыдршәон  информациала. Ҳаҧсадгьлыл ахьчаҩцәа ирызкыз анҵамҭақәа,  аполитика, асоциалтә ҭагылазаашьа, аҳәаанырцәынтәи ажәабжьқәа уҳәа атематика еиуеиҧшымызт.  Агазеҭ  ауаа ирыладырҵәон.

Иахьатәи аамҭазы агазеҭ «Республика Абхазия» атираж рацәам, зқьы рҟынӡа инаӡоит. Иҭыҵуеит мчыбжьык ахь хынтә, урысшәала. Иаҳҳәап, агазеҭ «Советская Абхазия» ҩынҩажәи жәаба нызқь рҿынӡа инаӡон зныктәи аҭыжьра.  Агазеҭ « Республика  Абхазия»   уажәтәи   ахаҭабзиареи аформати рыҧсахра аҭахны ишыҟоу  рҳәоит  аредакциа  аусзуҩцәа.  

Агазеҭ есааира аҿыцрақәа аларгалоит. Акорреспондентцәа рхыҧхьаӡара жәа-ҩык рҿынӡа инаӡоит. Дара руалафахәы рацәамзаргьы, рус ҭакҧхықәрала иазнуеит. Аусзуҩцәа ирылшо зегь ҟарҵоит уи аҧхьаҩцәа рыбжьара аҿар рхыҧхьаӡара иацларц азы. Есма Арџьениа-ҧҳа ара аус луеижьҭеи шықәсык ауп иҵуа, аха адгаларақәа иҟалҵаз ирыбзоураны уи аномерқәеи астатиақәеи ӡырырыгоит асоциалтә ҳақәа рҿы. Лара лажәақәа рыла, уи хымҧада аҧхьаҩцәа аднаҧхьалоит.
  
Витали Чамагәуа  инаҩс,  агазеҭ  « Республика   Абхазия»  аредактор инапынҵақәа наигӡон   акыр  аџьабаа  збахьаз,   аҧышәа ду  змаз  ажурналист  Сергеи   Саркисиан.  Иахьа   агазеҭ   аредактор хада  инапынҵақәа наигӡоит    Иури Ҟәараскәуа.

Агазеҭ  “Республика  Абхазия»  аматериал-техникатә база акәзар арҿыцра   рнапы  алакуп. Ҩажәи хәба шықәса раҧхьа акьыҧхь збаз агазеҭ атрадициақәа еихаҳауа иааго, иахьа уажәраанӡагьы арҿиара амҩа ишаныц иануп  уи  аусуцәа.

Сима Аргәын, Саид Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
10
16 Ианвар 2018
10
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
13
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
14
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
49
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК