Аимадара Аҟəафон абзоурала Аҧсны Ареспубликатә хәыҷтәы хәышәтәырҭаҿы аиҭашьақәыргыларатә усурақәа напы ралакуп.

15.09.2016
628

Амобилтә еимадара «Аҟәафон» еиҿнакаахьоу агәыҳалалратә усқәа маҷӡам. Уажәы ари аимадара абзоурала Аҧсны Ареспубликатә хәыҷтәы хәышәтәырҭаҿы аиҭашьақәыргыларатә усурақәа напы ралакуп. Дара ирықәхарџьхоит миллионк инеиҳаны аҧара.

Ареспубликатә хәыҷтәы хәыштәырҭа.  - Арахь иааргоит згәы бзиам ахәыҷқәа арионқәа зегь рҟынтә. Араҟоуп иахьрыдыркыло ирласны   ацхыраара  иаҳәо. Иаҭахны ианыҟала,  ачымазаҩ   дҧырҟаратә еиҧш  аҭагылазаашьагьы рымоуп. Ахәыштәырҭа  иахәҭоу   ҳаамҭазтәи  амедицинатә  мыругақәа рыла   макьана  ишеиқәыршәамгьы,  аҳақьымцәа руалҧшьақәа   нарыгӡоит.

Ааигәа ,араҟа    Аҧсны   раҧхьатәи  амобилтә еимадара Аҟәафон иабзоураны, ачымазаҩцәа рыдкыларҭаҿы аиҭашьақәыргыларатә усурақәа мҩаҧган. Ҿыц иҭаргылан аҧенџьырқәа, аҭыӡқәа шьыхны ишәын, адашьма ҧсахын. Уажәшьҭа   ачымазцәа  иахьрыхәаҧшуа    ауада  ҭбаауп ,илашоуп.  Аха, ааигәа араҟа ҿыц еиҭашьақәыргылаз ауадақәа руак аҿы аҭӡы цәаакит, уи зыхҟьазгьы аӡцарҭақәа ишахәҭоу аус ахьырымуа ауп. Зҭагылазаашьа уадаҩу ахәышәтәырҭа иаҭахуп акапиталтә ремонт, аха ус еиҧш алашара ыҟам.     Ахәышәтәырҭа  аҭагылазаашьа  аиҕьтәразы амобилтә еимадара Аҟәафон аиҭашьақәыргыларатә усурақәа рымҩаҧгара   иалагеит.  

Ас еиҧш аиҭашьақәыргыларатә усурақәа  мҩаҧган аҧҟарҭатә ҟәшаҿгьы. Зынӡа иааидкылан  урҭ аусурақәа ирзоужьын миллионк мааҭ аҧара. Ахәыштәырҭа аҳақьымцәа зегьы ҭабуп рҳәоит, Аҟәафон имҩаҧнаго агәыҳалалратә усмҩаҧгатәқәа рзы, русура арманшәаларазы иҟанаҵо ацхырааразы. Уи зыршаҳаҭуа аҳаҭыртә ашәҟәы кыдуп ахәыштәырҭа аҩналарҭаҿы. Амобилтә еимадара   Аҟәафон еснагь адгылара рнаҭоит асоциалтә проектқәа. Ахәыҷтәы хәыштәырҭа ацхыраара аҭара изызҳауа  аҿар  ргәабзиара  аиҕьтәра иадырҳәалоит.

Ҳтәылаҿы  раҧхьатәи амобилтә аоператор   анаҩсгьы,  ахәыҷтәы хәшәтәырҭа ацхыраара аҭара иазыхиоуп.  Ахәыҷқәа   ргәабзиара  ахьчара ҳҳәынҭқарра  уаҵәтәи аҧеиҧш ауп.

А. Жьиба, Ҭ. Гогохьиа,  АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК