Аҧсны Жәлар реизара адепутатцәа русутә еилатәараҿы ирылацәажәеит атәылауаҩшәҟәы ҿыцқәа ауааҧсыра рыҭара аус шеиҿкаау.

16.09.2016
711

Аҧсны   ауааҧсыра   атәылауаҩшәҟәы  ҿыцқәа рыҭара   амҩаҧгара   аус   ахьынӡанаргахьоу  азҵаара  иалацәажәеит  Жәлар реизара адепутатцәа    русутә  еилатәараҿы. Уахь ааҧхьара иман  Аҧыза- министр ихаҭыҧуаҩ    аҩныҵҟатәи  аусқәа рминистр   Аслан  Кобахьиа. Иара иҳәеит,  ҩнызқьи жәибжь шықәса рзы  имҩаҧысраны  иҟоу    апарламенттә алхрақәа  ирылагаанӡа,    абжьыҭара азин  змоу   апаспорт ҿыцқәа    роуртә    аҭагылазаашьа  шыҟоу.

Аҧсшьарамшқәа  рышьҭахь,   адепутатцәа  макьана    асессиа  мҩаҧырымгаӡацт. Аха   аусутә еилацәажәарахь  ааҧхьара ирҭеит    аҩныҵҟати  аусқәа рминистрра   анапхгаҩы.   Еилыркаарц рҭахын  иааиуа  ашықәс азы  имҩаҧгахо    апарламенттә алхрақәа ирылагаанӡа, ауааҧсыра  атәылауаҩшәҟәы  ҿыцқәа     рыҭара иахьӡоу иахьымӡоу.  Аслан Кобахьиа иҳәеит, иахьазы    аҳҭны қалақьи   Аҟәа араиони  руааҧсыра   атәылауаҩшәҟәы ҿыцқәа роуратә    аҭагылазаашьа  шыҟоу. Апаспорт ҿыцқәа  ргахьеит  хышә- ҩык инарыцны. Уажәы   апаспортқәа ахьрырҭо аусбарҭақәа    амыруга  ҿыцқәа  рыла еиқәдыршәоит ареспублика  мрагыларахьтәи араионқәа  рҟны.  Иааиуа  амчыбжь  азы,  Урыстәылантәи иаауа  аҟазацәа    атехникатә мыругақәа  реибыҭара иалагоит.  Ари аус   иадхалар ауеит  ҩымчыбжьа инареиҳаны, - ҳәа азгәарҭеит    аҩныҵҟатәи  аусқәа рминистрра  ахаҭарнакцәа.  Адепутатцәа    убасгьы иазҿлымҳан,   Аҧсны  инхо  аҧсуаа рахьтә   шаҟаҩы    амилаҭтә    паспорт рымоу.

Аилацәажәараҿы  убасгьы иазааҭгылеит    уаанӡа  закуантә шьаҭада    амилаҭтә паспортқәа   зырҭаз    рызҵаара. Ари аус    аҭҵаара    ахьынӡанаргахьоу?  Адепутат Валерии Кәарҷиа    еиликаарц иҭахын,    ареспублика  араионқәа рҟны   иаауа,  мамзаргьы инхо  анцәа имҵаныҳәацәа  ара рыҟазаара   азакуан   еиланаго еиланамго?

Аслан Кобахьиа иҳәеит,    ари азҵаара  хымҧада    азҿлымҳара шаҭахо. Амилициа  аусуцәа  адҵа  шрыҭахо   дара    рхаҭарақәа   рышьақәргыларазы.  Адепутат Саид Ҳаразиа   иазгәеиҭеит,    анцәа  дхазҵо   рымаршәа  кны   ишрацәажәатәу. Избанзар,  жәытә - натә аахыс  Аҧсныҟа иаауан  анцәахаҵацәа.  Аминистр иҳәеит , урҭ ауаа   ишакәым   аӡәгьы   драцәажәараны  дшыҟам.  Ара рыҟазаара   азакуан  еиланагозар, ҳаҧхьаҟа   рхы   шымҩаҧыргаша  атәы    шраҳәахо.

Иазгәаҭатәуп,    ҩнызқьи жәибыжь шықәсазтәи апарламенттә  алхрақәа    рыҿҳәара аҟынӡа    џьоукы    атәылауаҩшәҟәы  ҿыц  агара иахьымӡар,   абжьыҭара   азин  шыҟоу   уажәы иҳамоу    аҧсуа    паспорт ала.

Аҧсны  Аҧыза-  министр ихаҭыҧуаҩ    аҩныҵҟатәи  аусқәа рминистр Аслан Кобахьиа  дызлархәны имҩаҧгаз   апарламенттә    еилатәараҿы    убасгьы ирзааҭгылеит,    атәылауаҩшәҟәы    ауааҧсыра рыҭара иаҵанакуа   егьырҭ    азҵаарақәагьы.

Д.Инаҧшьба, С. Агәхаа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
11
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
7
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК