Сентиабр жәохә рзы 25 шықәса ҵит агазеҭ «Республика Абхазия» акьыҧхьра иалагеижьҭеи.

16.09.2016
713

Сентиабр жәохә рзы 25 шықәса ҵит агазеҭ «Республика Абхазия»  акьыҧхьра иалагеижьҭеи.   Аҧсны  Ахада Рауль Ҳаџьымба  аредакциа  аколлектив   ари амш рыдиыныҳәалеит.  Аныҳәа  иазкны,     Аҟәа имҩаҧысит    агәырҕьаратә еилатәара.  Уи иалахәын Аҧсны  Ахада  ихаҭыҧуаҩ Витали Габниа,  Жәлар реизара аиҳабы   Валери Бганба,  аинтеллигенциа рхаҭарнакцәа, ауаажәларра.

Аҧсны аҳәынҭқарра агазеҭ хада «Республика Абхазия» иазгәанаҭоит 25 шықәса ахыҵра. Агәырҕьаратә еилатәараҿы еизеит аҧхьаҩ иҟынӡа агазеҭ аномер ҿыц неирц азы есыҽны аус зуа акорреспондентцәа, аполиграфистцәа, атипографиа аусзуҩцәа, агазеҭ аларҵәаҩцәа.

1991 шықәса раахыс – агазеҭ адаҟьақәа рҿы ианылоит хра злоу ахҭысқәа ртәы, иааидкыланы  Аҧсны аҭоурых ҽыц иамшынҵоуп. Актәи аредактор Витали Чамагәуа иажәақәа рыла, Аҧсны раҧхьатәи ахада Владислав Арӡынба иаҧшьгарала иҭыҵуа иалагаз агазеҭ еснагь амилаҭтә идеологиатә интересқәа рыхьчараз аус ауан.

Агазеҭ «Республика Абхазия» 25 шықәса ахыҵра уи аусуҩцәа ирыдырныҳәалеит Аҧсны ахада Рауль Ҳаџьымбеи аҧыза-министр Беслан Барцыци. Аҧсны ахада изеиҕьашьарақәа дрыҧхьеит  атәыла ахада иабжьгаҩ Владимир Занҭариа.

Аҳәынҭқарра Ахада Иусҧҟала Аҧсны зҽаҧсазтәыз ажурналист ҳәа ахьӡ рыхҵоуп Витали Чамагәуа, Иури Ҟәырасқәуа, Лилиана Иаковлева, Заира Ҵәыџьба, Леила Ҧачулиа, Иулиа Соловиова, Русудан Барганџьиа. Гәыҧҩык атипографиа аусуҩцәа ирыхҵоуп “Аҧсны акультура зҽаҧсазтәыз аусзуҩы” ҳәа аҳаҭыртә хьӡы. Аизараҿы иқәгылоз иазгәарҭон, агазеҭ анапхгаҩцәа Витали Чамагәуа, Сергеи Саркисиан, Иури Ҟәырасқәуа русура атәы.

Аҧышәа змоу ажуранилистцәа ирывагыланы аредакциаҿы аус руеит аҿарацәа Есма Арџьениа, Мадина Ҭарба, Мактина Џьынџьал. Акыр шықәса инеиҧынкыланы, араҟа аус рухьан еицырдыруа ажурналистцәа – Наталиа Шульгина, Левон Галустиан уҳәа аӡәырҩы.

Амра Амҷҧҳа, Беслан Џьынџьал, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
10
Аизара аҟны Аҧсны арратәи аполитикатәи ҧсҭазаараҿы зџьабаа акыр идууз, зыдунеи зыҧсаххьоу иранашьан "Аиааиразы"амедал.
47
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК