Аҧсуа бызшәа хәыда-ҧсада аҵара азы алшара рымоуп агәаҳәара змоу зегьы.

16.09.2016
828

Аҧсуа бызшәа хәыда-ҧсада аҵара азы алшара рымоуп агәаҳәара змоу зегьы. Аҵарадырратә центр «Академиа» аҟны иаартын аҧсуа бызшәа дырҵаразы хә-гәыҧк.

 Жәларбжьаратәи афонд «Аҧсны» ари апроект афинанстә цхыраара анаҭеит.

 Аҧсуа бызшәа аҵара имариам процессуп, аиҳаракгьы уи абызшәа зынӡа иззеилымкаауа изы, аха азҿлымҳареи агәыбылреи умазар, унапахьы иааугоит, рҳәоит ари аҵарадырратә центр аҿы ахәыҷқәа азыҟазҵо арҵаҩцәа. Аҧсуа нбанқәа рдырра , аҩышьа аҧҟара, аҧхьашьа - уҳәа ирацәоуп сааҭк иалагӡаны ахәыҷқәа ишьҭыркаауа.

Арҵаҩцәа ирҳәоит, ахәыҷы абызшәа еиликаауа данааиуа, аус идулара шымариоу . «Угәы иаахәаратәы иҟоуп аҧсуа бызшәа зҵарац зҭаху аҧсуаа реиҧш атәым милаҭқәагь ахьыҟоу,»- рҳәоит дара. Жәларбжьаратәи афонд Аҧсны” ахада Сонер Гогәуа иазгәеиҭеит, Аҳәынҭқарраҿы Аҧсуа бызшәа аҿиаразы аусурқәа маҷымкәа ишымҩаҧгоу. «Ҳара акрааҵуеит ҳазхәыцуеижьҭеи ахатәы бызшәа аларҵәаразы иалаҳхыша ахырхарҭақәа. Аҵыхәтәан иҳаӡбеит хәыда-ҧсада абызшәа дырҵаразы акурсқәа раартра, иҳәеит Сонер Гогәуа. Сонер Гогәуа иҳәеит, аҧсуа бызшәа ахәыҷқәа дырҵаразы ишрымоу хаз-хазы иҟоу апрограммақәа. Ргәы ишҭоу аурокқәа рахь ааҧхьара рыҭара еицырдыруа ауаа, иара иажәақәа рыла, ас еиҧш иҟоу азнеишьа еиҳа аинтерес рызцәырнагоит.

Аҧхьаҟа аҵарадырратә центр «Академиа» аҿы ргәы иҭоуп хы-шықәса зхыҵуа ахәыҷқәа рзгьы акурсқәа раартра .

 Фатима Гьергьиа, Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
При выполнении скрипта возникла ошибка. Включить расширенный вывод ошибок можно в файле настроек .settings.php