Аҧсны имҩаҧгаз Урыстәыла Аҳәынҭқарратә Думахь адепутатцәа ралхрақәа раан, апартиа «Иаку Урыстәыла» акандидатцәа зегьы иреиҳаны абыжьқәа роуит ҳреспубликаҿы.

19.09.2016
557

Аҧсны имҩаҧгаз Урыстәыла Аҳәынҭқарратә Думахь адепутатцәа ралхрақәа раан, апартиа «Иаку Урыстәыла» акандидатцәа зегьы иреиҳаны абыжьқәа роуит ҳреспубликаҿы. Абри атәы иҳәеит Аҧсны иҟоу Урыстәыла ацҳаражәҳәаҩ Семен Григориев АҞәа алхыҩцәа рклуб аизараҿы имҩаҧигаз абрифинг аҟны.

"Иаку Урыстәыла"  азы рыбжьы рҭиит 79% алхыҩцәа. Сентиабр 18 рҽны, Аҧсны Аҳәынҭқарра Ахада Рауль Ҳаџьымба ибжьы аниҭиуаз иазгәеиҭеит, «Урыстәыла Аҧсны астратегиатәи, аекономикатәи ҩыза дуны ишыҟоу, Урыстәыла аҿиара зеиҧшроу акыр иахьыҧшхоит Аҧсынгьы», - ҳәа. Абар шьҭа ҩынтәуп ҳтәыла ауааҧсыра Урыстәыла атәылауаҩра змоу Аҳәынҭқарратә Думахь адепутатцәа ралхрақәа рхы рыладырхәуеижьҭеи .

Сынтәатәи алхрақәа рзы иазырхиан алхырҭатә ҭыҧқәа жәба, Аҧсны еиуеиҧшым арионқәа рҿы. Урҭ рахьтә ҩба аартын Аҟәа. Алхырҭатә ҭыҧқәа аусура ирылагеит ашьыжь асааҭ ааба рзы, алхратә комиссиаҿы асиа ианыз зегьы Урыстәыла иатәылауаан. Шьыжьы нахыс ауааҧсыра алхырҭатә ҭыҧқәа рахь инеиуа иалагеит, уи зцәыхараз, иаҳҳәап, ақыҭақәа рҿы инхоз, алхырҭатә ҭыҧқәа рахь иааргон автотранспорт ала. Иазгәаҭатәуп, ҳтәыла ауааҧсыра алхрақәа активла рхы шрыладырхәыз, алхырҭатә ҭыҧқәа зегьы рҿы дара агәаран иқәгылан рыбжьы рҭиирц азы.

Аҧсны иҟоу Урыстәыла ацҳаражәҳәаҩ Семен Григориев имҩаҧигаз абрифинг аҿы иҳәеит, иааидкылан алхрақәа Урыстәыла азакуан инақәыршәаны ишымҩаҧгаз. Алхырҭатә ҭыҧқәа рҿы абиуллетенқәа зегь аныҧхьаӡаха ашьҭахь, Урыстәыла ацентртә алхратә комиссиахь ишьҭын.Иааидкылан, ҩажәа нызқьи хышәи ҩынжәи жәохә ҩык рыбжьы рҭиит. Зегь реиҳа абжьы рацәаны иаиуит апартиа “Иаку Урыстәыла”. 

Иара акандидатцәа рзы араҟа 75 процент инареиҳаны алхыҩцәа рыбжьы рҭиит. Аҩбатәии ахҧатәии аҭыҧқәа ааныркылеит алибералтә демократиатә партиеи, акоммунисттә партиеи ркандидатцәа. Аҧсны аҧыза-министр ихаҭыҧуаҩ Беслан Ешба абрифинг аҿы иҳәеит, хыҧхьаӡара рацәала ауааҧсыра алхырҭатә ҭыҧқәа рахь рнагара ауадаҩра шацызгьы, аҳәынҭқарра анапхгара ирылшо зегь шыҟарҵаз ҳтәыла ауааҧсыра рыбжьы рҭииртә.

Альбина Жьиҧҳа, Алықьса Агәхаа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
83
19 Февраль 2018
119
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
123
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
150
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
117
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
145
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
148
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК