Аҟәатәи аботаникатә баҳча азааигәара еиҿкаау ахәҳахәҭырҭатә ҭыҧқәа ицәырырго азҵаарақәа .

19.09.2016
789

Аҧсны хыҧхьаӡара рацәала аҧсшьаҩцәа зҭаауа тәылоуп. Ус шакәугьы, имаӡам, Аҧсны аусурҭатә ҭыҧқәа разымхара апроблемагьы шыҟоу.  Аҧхынра аамҭа кьаҿ иалагӡаны, ауааҧсыра рҽазыршәоит рҭаацәа зланыҟәыргаша  ҧара хәыҷык дырҳарц. Аха уи иаанагаӡом, аҧара арҳара уазхәыцны, Аҧсны азакуан еилаугар ҟалоит ҳәа. Убас,  лассы-лассы ицәырҵлоит аимак зцу азҵаарақәа. Урҭ ируакуп Аҟәа ақалақь агәаны иҟоу аботаникатә баҳча иавагылоу аҭирҭатә ҭыҧқәа рызҵаара.

Аҧсни уи анҭыҵи зегь еицырдыруа Аҟәатәи аботаникатә баҳча есышықәса иаҭаауеит зықьҩыла ауааҧсыра. Уи иабзоураны, иалыршахеит абаҳча аанда иамариашаны аҧсшьаҩцәа рзыҳәан еиуеиҧшым  асувенирқәеи, егьырҭ атауарқәеи рыҭира. Араҟа , ҩ-метрак инарзынаҧшуа аҭыҧ, изҭаху қьырала игар илшоит , ақалақь ахадара дадҵаалар.  Аҟәа агәҭа ас еиҧш иҟоу адәқьан хәыҷқәа рыргылара  ақалақь ахаҿра, шамырҧшӡоугьы, ауаа аусуразы агәаҳәара анаадырҧш,  ақалақь ахадара азин рнаҭеит. Аха рыцҳарас иҟалаз араҟа аҭыҧқәа згаз рҭыҧ иазыҧҵәоу ҩ-метрак инахысны,   рҿаҧхьа ашьаҟауаа зланыҟәо аганал алагьы зинда аргыларақәа ирылагеит. Ари даараӡа иманшәалам ииасуа ауаа рзыҳәан. Изныкымкәа ақалақь анапхгара агәҽанҵара рырҭахьеит, аха имаҷуп уи азҿлымҳара азҭаз.

Ганкахьала уахәаҧшуазар, угәы иаанагар алшоит, араҟа акрыҭира знапы алаку ауаа азакуан еиларгоит, ирзыҧҵәоу ҩ-метрак инахысны ҳәа, аха даҽа ганкахьала уазнеир, араҟа иубарҭоуп  ҩ-метрак ирыҵаркуа аҭыҧ даараӡа ишыҭшәоу, насгьы ауаа уахынла ртауарқәа  ахьынрыжьша аҭыҧқәа шазҧхьагәаҭам. Иҟоуп убасгьы, ақалақь  ахадараҿы ахә ахшәааны, аха аҧхынра зегьы зтауар ықәызмыргылацгьы. Урҭ аҭыҧқәа ҭацәны игылоуп. Асида Кәыҵниа-ҧҳа араҟа ҩышықәса ҵуеит аус луеижьҭеи. Уи лтауар ишахәҭоу еиҧш, уаҩы иҧырхагамхо илзықәгылоуп. Аха илҳәоит, аҭыҧқәа даараӡа ишыманшәалам  атәы.

Сынтәатәи атуристтә сезон уажәшьҭа ахыркәшарахь инеиуеит. Издыруада, иааиуа ашықәс азы Аҟәа ақалақь ахадареи ари аҭыҧ аҿы акрыҭира знапы алаку ауааи араҟа ирызцәырҵыз азҵаарақәа еицырзыфеидоу аҭакқәа рзыҧшаар. Ауаа рзыҳәангьы иманшәалан, ақалақь ахаҿрагьы бжьнамхуа.

Н.Ақаҩ-ҧҳа, М.Братухин, АТ .  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Уаҟа ахәаҧшцәа идырбан Фазиль Искандер иҩымҭала иқәыргылоу аспектакль «Ажьақәеи арқьымаҭқәеи ».
60
Аҭыжьымҭаҿы:Адепутатцәа ирыӡбеит апарламент аилатәарақәа ишиашоу ицо аефир ала дырбара.
30
Аҧсны аҵара аминистрра Аиааира 25 шықәса ахыҵреи ҳтәыла ахьыҧшымра азхаҵара аиужьҭеи 10 шықәса аҵреи инарымаданы, еиҿнакааз ашколхәыҷқәа рсахьаркыратә ҧхьара аконкурс.
146
Аҳəынҭстандарт аинспекторцәа – аилахәыра «Север-1 » иатәу афатә аалыҵқәа рышьҭаҵарҭа агәаҭарақәа ирыхрыжьит .
Алаҳәарақәеи адныҳәаларақәеи
АГТРК